അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.പോഷക സമൃദ്ധവും രുചികരവും ആണെന്നു മാത്രമല്ല സൂപ്പിന്റെ ജനപ്രീതിക്കു കാരണം. പാകം ചെയ്യാനും വിളമ്പാനും എളുപ്പം. വേഗത്തിൽ ദഹിക്കുകയും ചെയ്യും. എങ്കിൽ പച്ചക്കറി കഴിക്കാൻ മടിയുള്ള കുട്ടികളെ കഴിപ്പിക്കാൻ രുചികരമായ സൂപ്പ് എങ്ങനെ തയാറാക്കാമെന്നു നോക്കാം.
ചേരുവകൾ
കാരറ്റ് – 1
ഉരുളക്കിഴങ്ങ് – 1
ബീൻസ് – 5
തക്കാളി – 1
മത്തങ്ങ – 1 ചെറിയ കഷ്ണം
സവാള – 1 വലുത്
വെള്ളരിക്ക – 1 ചെറിയ കഷ്ണം
വെളുത്തുള്ളി – 2
പാചകരീതി
പച്ചക്കറികൾ അരിഞ്ഞ് രണ്ടു കപ്പ് വെള്ളം ചേർത്ത് കുക്കറിൽ വേവിച്ചെടുക്കുക.വെന്തശേഷം മിക്സിയിൽ അടിച്ച് അരിച്ചെടുക്കുക. അരിച്ചെടുത്ത മിശ്രിതം ആവശ്യത്തിന് വെള്ളം ചേർത്ത് തിളപ്പിച്ചെടുക്കാം. ആവശ്യത്തിന് ഉപ്പും കുരുമുളകുപൊടിയും ചേർത്ത് വാങ്ങാം. വേവിച്ചെടുത്ത മക്രോണിയും ന്യൂഡിൽസും ഈ സൂപ്പിലേക്കു ചേർത്താൽ കുട്ടികൾക്ക് ഇഷ്ടപ്പെടുന്ന ഹെൽത്തി സൂപ്പർ സൂപ്പ് റെഡി.
