അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഡിജിറ്റൽ അറസ്റ്റ് അഴിമതി കർശന നിർദ്ദേശങ്ങൾ പുറപ്പെടുവിക്കുമെന്ന് ജസ്റ്റിസ് സൂര്യകാന്ത. സൈബർ കുറ്റവാളികൾ നിയമപാലകരായി വേഷമിടുന്ന 3,000 കോടി രൂപയുടെ ഡിജിറ്റൽ അറസ്റ്റ് അഴിമതിക്കെതിരെ സുപ്രീം കോടതി സ്വമേധയാ നടപടി സ്വീകരിക്കുകയൂം. ഇത്തരം ഭീഷണി തടയാൻ കോടതി കർശന നിർദ്ദേശങ്ങൾ പുറപ്പെടുവിക്കുമെന്ന് ജസ്റ്റിസ് സൂര്യകാന്ത് മുന്നറിയിപ്പ് നൽകിയിട്ടുണ്ട്. കൂടാതെ ഈ തട്ടിപ്പുകൾക്ക് ഇരയാകുന്നവരിൽ ഭൂരിഭാഗവും മുതിർന്ന പൗരന്മാരാണെന്ന് സോളിസിറ്റർ ജനറൽ തുഷാർ മേത്ത കോടതിയെ അറിയിച്ചിട്ടുണ്ട് .
“ഡിജിറ്റൽ അറസ്റ്റ്” തട്ടിപ്പുകളുടെ ആശങ്കാജനകമായ വർദ്ധനവിനെക്കുറിച്ച് സുപ്രീം കോടതി സ്വമേധയാ കേസെടുത്തു , അത്തരം സൈബർ തട്ടിപ്പുകൾ രാജ്യത്തുടനീളം അതിവേഗം വ്യാപിക്കുന്നുണ്ടെന്നും ഇതിനകം തന്നെ ഇന്ത്യൻ പൗരന്മാർക്ക് ഏകദേശം 3,000 കോടി രൂപയുടെ നഷ്ടം വരുത്തിയിട്ടുണ്ടെന്നും മുന്നറിയിപ്പ് നൽകി .
എന്നാൽ എന്താണ് ‘ഡിജിറ്റൽ അറസ്റ്റ്’? ഇവരെന്തിനാണ് ഈ പ്രായമായവരെ ഇങ്ങനെ വ്യാജ തട്ടിപ്പുകൾ നടത്തുന്നത് ? തട്ടിപ്പുകാർ സർക്കാർ ഉദ്യോഗസ്ഥരായോ, പോലീസ് ഉദ്യോഗസ്ഥരായോ, കസ്റ്റംസ് ഉദ്യോഗസ്ഥരായോ അല്ലെങ്കിൽ ജഡ്ജിമാരായോ ആൾമാറാട്ടം നടത്തി ഇരകളെ ഓഡിയോ/വീഡിയോ കോളുകളിലൂടെ ബന്ധപ്പെടുന്നു. വ്യാജമായ അറസ്റ്റ് വാറണ്ടുകളോ കോടതി ഉത്തരവുകളോ കാണിച്ച ശേഷം, നിയമനടപടികൾ ഒഴിവാക്കാൻ പണം ആവശ്യപ്പെട്ട് ഭീഷണിപ്പെടുത്തുന്നു. ഇരകളെ ഡിജിറ്റലായി തടങ്കലിൽ വെച്ചതായി ബോധ്യപ്പെടുത്തിയാണ് പണം കൈക്കലാക്കുന്നത്. എന്നാൽ പ്രായമായവരെ തിരഞ്ഞു പിടിച്ച തട്ടി നടത്തുന്നതിന് കരണങ്ങളുണ്ട്.
ചില തട്ടിപ്പുകൾക്ക് കാരണം, മുതിർന്ന ആളുകൾക്ക് സാങ്കേതികവിദ്യയെക്കുറിച്ചും ഓൺലൈൻ സുരക്ഷയെക്കുറിച്ചും കുറഞ്ഞ അറിവുണ്ടായിരിക്കാം. ഇത് അവരെ തട്ടിപ്പുകാർക്ക് എളുപ്പത്തിൽ ഇരയാക്കാൻ സാധിക്കും അതുമല്ലങ്കിൽ ചില മുതിർന്ന ആളുകൾ ഒറ്റപ്പെട്ടു ജീവിക്കുന്നവരായിരിക്കാം, ഇത് അവരെ കൂടുതൽ ദുർബലരാക്കുന്നു. ഒരു സൗഹൃദപരമായ സമീപനത്തോടെ തട്ടിപ്പുകാർക്ക് അവരെ സ്വാധീനിക്കാൻ കഴിഞ്ഞേക്കാം. ചില തട്ടിപ്പുകൾക്ക് കാരണം, മുതിർന്ന ആളുകൾക്ക് പെൻഷൻ, സമ്പാദ്യം പോലുള്ള പണമുണ്ടായിരിക്കാം. ഇത് തട്ടിപ്പുകാർക്ക് സാമ്പത്തിക നേട്ടമുണ്ടാക്കാൻ ഒരു പ്രോത്സാഹനമാകുന്നു. ചില തട്ടിപ്പുകൾക്ക് കാരണം, മുതിർന്ന ആളുകൾക്ക് ഭീഷണിപ്പെടുത്തുമ്പോഴോ സമ്മർദ്ദത്തിലാകുമ്പോഴോ പെട്ടെന്ന് പ്രതികരിക്കാനുള്ള സാധ്യതയുണ്ട്. ഇത് അവർക്ക് കാര്യങ്ങൾ ആലോചിച്ച് തീരുമാനമെടുക്കാൻ സമയം നൽകാതെ തട്ടിപ്പുകാർക്ക് അവരുടെ ലക്ഷ്യം നേടാൻ സഹായിക്കുന്നു.
ഇത്തരം തട്ടിപ്പുകളെക്കുറിച്ച് മുതിർന്നവർക്ക് അവബോധം നൽകുന്നത് പ്രധാനമാണ്. പോലീസ്, സിബിഐ, കസ്റ്റംസ്, ബാങ്ക് ഉദ്യോഗസ്ഥർ എന്ന വ്യാജേന വരുന്ന ഭീഷണി കോളുകൾ അവഗണിക്കുക. “നിങ്ങൾ ഒരു കുറ്റകൃത്യത്തിൽ പെട്ടിരിക്കുന്നു, ഉടൻ അറസ്റ്റ് ചെയ്യും” എന്ന് പറഞ്ഞ് പേടിപ്പിക്കുന്ന കോളുകൾ തട്ടിപ്പാണ്. ഒരു സർക്കാർ ഏജൻസിയും ഫോൺ കോളിലൂടെ അറസ്റ്റ് ചെയ്യുകയോ പണം ആവശ്യപ്പെടുകയോ ഇല്ല. OTP വൺ ടൈം പാസ്‌വേഡ്, ബാങ്ക് അക്കൗണ്ട് വിവരങ്ങൾ, പാസ്‌വേഡുകൾ, ക്രെഡിറ്റ്/ഡെബിറ്റ് കാർഡ് വിവരങ്ങൾ എന്നിവ ആവശ്യപ്പെടുന്ന കോളുകളോട് പ്രതികരിക്കരുത്.
“നിങ്ങളുടെ അക്കൗണ്ട് ബ്ലോക്കായി, ശരിയാക്കാൻ OTP വേണം” എന്ന് പറയുന്നതെല്ലാം വ്യാജ കോളുകളാണ്. നിയമപരമായ പ്രശ്‌നങ്ങൾ ഒഴിവാക്കാൻ പണം ഉടൻ കൈമാറണം എന്ന് ആവശ്യപ്പെട്ടാൽ അത് പൂർണ്ണമായും തട്ടിപ്പാണ്. ഒരു കാരണവശാലും ഓൺലൈനായി പണം അയക്കരുത്.
