അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.പാന്‍ കാര്‍ഡ് പത്തക്ക ഡിജിറ്റല്‍ ആല്‍ഫാന്യൂമെറിക് ഐഡിയാണ്. ആദായ നികുതി റിട്ടേണ്‍ ഫയല്‍ ചെയ്യുക, ബാങ്ക് അക്കൗണ്ടുകള്‍ തുറക്കാന്‍, ഓഹരി വിപണിയില്‍ നിക്ഷേപിക്കാന്‍ തുടങ്ങി വിവിധങ്ങളായ ആവശ്യങ്ങള്‍ ഇവയില്‍ ഉള്‍പ്പെടുന്നു. ഇപ്പോഴിതാ ഇ പാന്‍ സൗകര്യം ഉപയോഗിച്ച് മിനിറ്റുകള്‍ക്കുള്ളില്‍ പാൻ കാര്‍ഡ് സ്വന്തമാക്കാൻ സാധിക്കും.
എങ്ങനെ പാന്‍ കാര്‍ഡ് ഓണ്‍ലൈനായി ലഭിക്കും?
- ആധാര്‍ ഉപയോഗിച്ച് വളരെ വേഗത്തില്‍ പാന്‍ കാര്‍ഡ് ലഭിക്കാനായി എങ്ങനെ അപേക്ഷിക്കണമെന്ന് പരിശോധിക്കാം.
- ആദായ നികുതി ഇ ഫയലിങ് ഔദ്യോഗിക വെബ്‌സൈറ്റ് സന്ദര്‍ശിക്കാം (www.incometax.gov.in)
- ക്വിക്ക് ലിങ്ക് എന്ന വിഭാഗത്തിന് കീഴിലുള്ള ഇന്‍സ്റ്റന്റ് ഇ പാന്‍ ഓപ്ഷനില്‍ ക്ലിക്ക് ചെയ്യുക
- ശേഷം പുതിയ പാന്‍ നേടുക എന്ന തിരഞ്ഞെടുക്കാം
- നിങ്ങളുടെ ആധാര്‍ നമ്പര്‍ നല്‍കി, ഡിക്ലറേഷന്‍ ബോക്‌സില്‍ ചെക്ക് മാര്‍ക്കിട്ട്, തുടരുക എന്നതില്‍ ക്ലിക്ക് ചെയ്യാം
- രജിസ്റ്റര്‍ ചെയ്ത മൊബൈല്‍ നമ്പറിലേക്ക് അയച്ച ഒടിപി നല്‍കി, ആധാര്‍ സ്ഥിരീകരിക്കാം
- നിബന്ധനകളും വ്യവസ്ഥകളും അംഗീകരിച്ച് തുടരുക എന്നതില്‍ ക്ലിക്ക് ചെയ്യാം
- ഒടിപി വീണ്ടും നല്‍കി, സ്ഥിരീകരിച്ച ശേഷം തുടരുക നല്‍കാം
- ഇമെയില്‍ ഐഡി പരിശോധിക്കുന്നതിനായി, ഇമെയില്‍ ഐഡി സാധൂകരിക്കുക എന്നതില്‍ ക്ലിക്ക് ചെയ്യാം
- പ്രക്രിയ പൂര്‍ത്തിയായി കഴിഞ്ഞാല്‍, ഇ പാന്‍ ലഭിക്കും
content highlight: e pan card
