അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കോഴിക്കോട്: പൊതുമരാമത്ത് വകുപ്പിന്റെ (പിഡബ്ല്യുഡി ) കെട്ടിടവിഭാഗം 6.96 കോടി രൂപ ചെലവിട്ട് നിർമ്മിച്ച പിഡബ്ല്യുഡി കോംപ്ലക്സ് – അനക്സ് ബ്ലോക്ക് (ഡിസൈൻ ആൻഡ് ഇൻവെസ്റ്റിഗേഷൻ വിങ് ഓഫീസ്) പൊതുമരാമത്ത് മന്ത്രി പി. എ. മുഹമ്മദ് റിയാസ് ഉദ്ഘാടനം ചെയ്തു.
പുതിയ കെട്ടിടത്തിന്റെ താഴത്തെ നിലയിൽ പാർക്കിങ് സൗകര്യം, ഒന്നാം നിലയിൽ റീജണൽ ഡിസൈൻ ഓഫീസ്, രണ്ടാം നിലയിൽ റീജണൽ ഇൻവെസ്റ്റിഗേഷൻ ഓഫീസ്, റീജണൽ ആർക്കിടെക്ചർ ഓഫീസ് എന്നിവയാണ് ആദ്യഘട്ടത്തിൽ സജ്ജീകരിച്ചിരിക്കുന്നത്.
ചടങ്ങിൽ അഹമ്മദ് ദേവർകോവിൽ എം.എൽ.എ അധ്യക്ഷനായി. സൂപ്രണ്ടിങ് എഞ്ചിനീയർമാരായ യു.പി. ജയശ്രീ, ഇ.ജി. വിശ്വപ്രകാശ്, പി.കെ. മിനി, എക്സിക്യൂട്ടീവ് എഞ്ചിനീയർ എൻ. ശ്രീജയൻ, നാഷണൽ ഹൈവേ വിഭാഗം സൂപ്രണ്ടിങ് എഞ്ചിനീയർ സി. രാജേഷ് ചന്ദ്രൻ, കെ.ആർ.എഫ്.ബി-പിഎംയു ടീം ലീഡർ ആർ. സിന്ധു, അസിസ്റ്റന്റ് എക്സിക്യൂട്ടീവ് എഞ്ചിനീയർ വി.എസ്. രമ്യ തുടങ്ങിയവർ പങ്കെടുത്തു.
