അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.താരങ്ങളായ ദിവ്യ ശ്രീധറും ക്രിസ് വേണുഗോപാലും മലയാളികൾക്ക് ഏറെ പ്രിയപ്പെട്ടവരാണ്. സോഷ്യൽ മീഡിയയിലൂടെ ദമ്പതികൾ തങ്ങളുടെ വിശേഷങ്ങളെല്ലാം ആരാധകരുമായി പങ്കുവയ്ക്കാറുണ്ട്. കഴിഞ്ഞ ദിവസമായിരുന്നു ഇവരുടെ ഒന്നാം വിവാഹ വാർഷികം. ഈ വേളയിൽ വികാരനിർഭരയായി ദിവ്യ പങ്കുവച്ച വീഡിയോയാണ് സോഷ്യൽ മീഡിയയിൽ വൈറലായിക്കൊണ്ടിരിക്കുന്നത്.
സ്വത്ത് കണ്ട് മോഹിച്ച് വയസനെ ദിവ്യ വിവാഹം ചെയ്തുവെന്നാണ് കല്യാണ വാർത്ത പ്രചരിച്ചപ്പോൾ നിറഞ്ഞ കമന്റുകൾ. വിമർശനങ്ങളെയെല്ലാം അതിജീവിച്ച് ദാമ്പത്യ ജീവിതം ഒരു വർഷം പൂർത്തിയാക്കുമ്പോൾ വിവാഹ വാർഷികാഘോഷത്തിന്റെ വീ‍ഡിയോയുമായി എത്തിയിരിക്കുകയാണ് ദിവ്യ. ഈ ദിവസത്തെ പ്രത്യേകത എന്താണെന്ന് എല്ലാവർക്കും മനസിലായി കാണും.
വളരെ കോളിളക്കം സൃഷ്ടിച്ചൊരു കല്യാണം… പത്തരമാറ്റിലെ മൂർത്തി മുത്തശ്ശനും സുഖമോ ദേവിയിലെ ചന്ദ്രമതിയും തമ്മിലുള്ള കല്യാണം. ജനങ്ങൾക്ക് പരിഹസിക്കാനും ഒത്തിരി വിമർശനങ്ങൾ നേരിടാനും…. ഇന്ന് പിരിയും നാളെ പിരിയുമെന്ന് പറഞ്ഞ് കളിയാക്കിയവരുടെ മുന്നിൽ ഇതാ ഞങ്ങളുടെ ദാമ്പത്യത്തിന് ഒരു വർഷം തികയുന്നു. ഞങ്ങളെ നെഞ്ചോട് ചേർത്ത് പിടിച്ച പ്രാർത്ഥനയിൽ ഞങ്ങളേയും ഉൾപ്പെടുത്തിയ എല്ലാവർക്കും ഒത്തിരി നന്ദി.
എവിടെ കണ്ടാലും ദിവ്യ അല്ലേ?, ക്രിസ് അല്ലേ?, ക്രിസ് വന്നില്ലേ? എന്നൊക്കെ ചോദിച്ച് സ്നേഹം പ്രകടിപ്പിക്കുന്ന ഒത്തിരിപ്പേരുണ്ട്. അവരോട് എത്ര നന്ദി പറഞ്ഞാലും തീരില്ല. ആ സ്നേഹത്തിന് എന്ത് പറയണമെന്നും അറിയില്ല. നിങ്ങളുടെ എല്ലാവരുടേയും പ്രാർത്ഥനയും സപ്പോർട്ടും എപ്പോഴും കൂടെയുണ്ടാകണം. വീട്ടിലെ അംഗത്തെപ്പോലെയാണ് നിങ്ങൾ ഞങ്ങളെ കണ്ടത്.
ആ സ്നേഹം എനിക്ക് ലഭിക്കാൻ തുടങ്ങിയത് ഈ ഒരു കല്യാണത്തോടെയാണ്. അതിന് സർവേശ്വരനോട് നന്ദി പറയുന്നു. ഇങ്ങനൊരു ലൈഫ് തന്ന ഏട്ടനും കുടുംബത്തിനും സൗമ്യ ചേച്ചിയോടും നന്ദി പറയുന്നു. കളിയാക്കലും പരിഹസിക്കലും ഒന്നും അവസാനിക്കുന്നില്ല. തുടർന്നുകൊണ്ടേയിരിക്കുന്നു. സന്തോഷം കൊണ്ടാണ് എന്റെ കണ്ണ് നിറഞ്ഞത്.
ഏട്ടന് വർക്കുണ്ട്. അതുകൊണ്ട് ഔട്ടിങ് മാത്രമാണ് പ്ലാൻ ചെയ്തിരിക്കുന്നത്. വലിയ സെലിബ്രേഷനില്ല. ഏട്ടന്റെ പിറന്നാൾ നന്നായി ആഘോഷിക്കാൻ പറ്റിയിരുന്നു. അതിൽ ഹാപ്പിയാണ്. ഇടയ്ക്ക് മാത്രമാണ് പുറത്തൊക്കെ പോയി ഫുഡ് കഴിക്കുന്നത്. ഞങ്ങൾക്ക് വേണ്ടി പ്രാർത്ഥിച്ചവരോടുള്ള നന്ദി അറിയിക്കുന്നു ദിവ്യ പറഞ്ഞു.
