അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.നമ്മുടെയെല്ലാം തീന്മേശകളിലെ സ്ഥിരം വിഭവമാണ് മോരുകറി. പെട്ടെന്ന് എന്തുണ്ടാക്കും എന്ന് ചിന്തിച്ചാൽ അധികം പേരും ഉണ്ടാക്കുന്ന ഒരേയൊരു വിഭവമാണ് ഇത്. അടുക്കളയിലെ തുടക്കകാർക്ക് പോലും മോരുകറി പെട്ടെന്ന് ഉണ്ടാക്കിയെടുക്കാം.
ആദ്യം പാൻ വച്ച് വെളിച്ചെണ്ണ ഒഴിക്കുക. അതിൽ കടുകും ഉലുവയും ചുവന്നമുളകും ചേർത്ത് വഴറ്റിയെടുക്കുക. ശേഷം ഇഞ്ചിയും വെളുത്തുള്ളിയും പച്ചമുളകും കറിവേപ്പിലയും ചേർത്ത് വഴറ്റിയെടുക്കുക. ചെറിയുള്ളി ചേർക്കാതിരിക്കുന്നതാകും കൂടുതൽ ദിവസം മോരുകറി ചീത്തയാകാതെ ഇരിക്കാൻ നല്ലത്. ഇനി ഇതിലേക്ക് മുളക്പൊടിയും മഞ്ഞപൊടിയും ജീരകപൊടിയും ആവശ്യത്തിന് ഉപ്പും ചേർക്കാം. ഇനി പൊടികൾ പാകമായി കഴിയുമ്പോൾ തീ അണയ്ക്കാവുന്നതാണ്.
ശേഷം കട്ട തൈര് ഇത്തിരി വെള്ളവും ചേർത്ത് അയഞ്ഞ പരുവത്തിൽ മിക്സിയിൽ അടിച്ചെടുക്കണം. ഇതിലേക്ക് ഇഞ്ചി വെളുത്തുള്ളി എന്നിവ എണ്ണയിൽ വഴറ്റി തൈരിലേക്ക് ചേർത്ത് നന്നായി യോജിപ്പിക്കണം. മോര്കരി തയ്യാറാക്കുന്നതിനായി തൈര് ചൂടാക്കേണ്ടതില്ല. അഥവ ചൂട് വേണമെങ്കിൽ ചെറിയ തീയിൽ വച്ചാൽ മതിയാകും. ഇങ്ങനെ ചെയ്‌താൽ കൂടുതൽ ദിവസം മോരുകറി ചീത്തയാകാതെ ഇരിക്കും.
