അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.അഴിയൂർ: ജിജെബി സ്കൂളിന്റെ ഭൗതിക അടിസ്ഥാനസൗകര്യങ്ങൾ മെച്ചപ്പെടുത്തുന്നതിനായി നവീകരണ പ്രവൃത്തികൾക്ക് തുടക്കമായി. പരിപാടി എം.എൽ.എ കെ.കെ. രമ ഉദ്ഘാടനം ചെയ്തു.
2024-25 വാർഷിക പദ്ധതിയിൽ ഉൾപ്പെടുത്തി അഴിയൂർ ഗ്രാമപഞ്ചായത്ത് അനുവദിച്ച ₹35 ലക്ഷം രൂപ വിനിയോഗിച്ചാണ് നവീകരണം ആരംഭിച്ചത്. സ്കൂളിൽ കൂടുതൽ സൗകര്യങ്ങൾ ഒരുക്കുന്നതിനായി കൂടുതൽ ഫണ്ടുകൾ അനുവദിക്കുമെന്നും എം.എൽ.എ അറിയിച്ചു.
ചടങ്ങിൽ പഞ്ചായത്ത് പ്രസിഡന്റ് ആയിഷ ഉമ്മർ അധ്യക്ഷത വഹിച്ചു. എ.ഇ.ഒ സ്വപ്ന ജൂലിയറ്റ്, ശശിധരൻ തോട്ടത്തിൽ, അനിഷ ആനന്ദസദനം, രമ്യ കരോടി, സാലിം പുനത്തിൽ, യു.എ. രഹീം, പി. ശ്രീധരൻ, പി. ബാബുരാജ്, പ്രദീപ് ചോമ്പാല, കെ.വി. രാജൻ, പി.വി. ശ്രീജേഷ്, മുബാസ് കല്ലേരി, ഷുഹൈബ് അഴിയൂർ, കെ. സവിത, എം. ബിന്ദു, വി. തൗഫിക്ക് എന്നിവർ സംസാരിച്ചു.
സ്കൂളിന്റെ നവീകരണം പൂർത്തിയായാൽ വിദ്യാർത്ഥികൾക്കും അധ്യാപകർക്കും കൂടുതൽ സൗകര്യപ്രദമായ പഠനപരിസരം ലഭ്യമാകുമെന്ന് അധികൃതർ അറിയിച്ചു.
