അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഇടുക്കി: ചെറുതോണിയിൽ നടന്ന ബൈക്ക് അപകടത്തിൽ 18കാരനായ യുവാവ് മരിച്ചു. ചുരുളി ആൽപ്പാറ സ്വദേശി അമൽ ടോം (18) ആണ് ദുരന്തത്തിൽ ജീവൻ നഷ്ടമായത്.
തങ്കമണി സ്വദേശി അമൽ പീറ്റർ ഗുരുതരമായി പരിക്കേറ്റ് ഇടുക്കി മെഡിക്കൽ കോളേജ് ആശുപത്രിയിൽ ചികിത്സയിലാണ്.
അപകടം ചെറുതോണി പാലത്തിന് സമീപം ബുധനാഴ്ച രാത്രി 12.30ഓടെയായിരുന്നു. എതിർദിശകളിൽ സഞ്ചരിച്ചിരുന്ന ബൈക്കും സ്കൂട്ടറും തമ്മിൽ കൂട്ടിയിടിക്കുകയായിരുന്നു.
അമൽ ടോം അപകടസ്ഥലത്തുവെച്ചുതന്നെ മരണമടഞ്ഞു. പൊലീസ് അന്വേഷണം ആരംഭിച്ചിരിക്കുകയാണ്.
