അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.തളിപ്പറമ്പ്: തൃച്ചംബരത്ത് ദേശീയപാതയിൽ രണ്ട് ബൈക്കുകൾ തമ്മിൽ കൂട്ടിയിടിച്ചുണ്ടായ അപകടത്തിൽ പോലീസ് ഉദ്യോഗസ്ഥൻ ഉൾപ്പെടെ മൂന്നു പേർക്ക് പരിക്ക്.
അപകടത്തിൽ ഏഴാംമൈൽ സ്വദേശിയായ സജീവൻ ഗുരുതരമായി പരുക്കേറ്റു. അദ്ദേഹത്തെ പരിയാരം ഗവ. മെഡിക്കൽ കോളജ് ആശുപത്രിയിൽ പ്രവേശിപ്പിച്ചിരിക്കുകയാണ്. സജീവനൊപ്പം സഞ്ചരിച്ചിരുന്ന ഇതരസംസ്ഥാന തൊഴിലാളിക്ക് നേരിയ പരുക്കുകളാണ് ഉണ്ടായത്.
എതിർദിശയിൽ നിന്നും എത്തിയ മറ്റൊരു ബൈക്ക് ഓടിച്ചിരുന്നത് ധർമ്മശാല കെ.എ.പി ക്യാംപിലെ പോലീസ് ഉദ്യോഗസ്ഥനും ഇരിട്ടി സ്വദേശിയുമായ ജിയോവിനായിരുന്നു. അദ്ദേഹത്തെയും ഗുരുതര പരുക്കുകളോടെ കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചു.
ഇന്ന് രാവിലെ ഒമ്പത് മണിയോടെ സംഭവിച്ച അപകടത്തെ തുടർന്ന് ദേശീയപാതയിലെ ഗതാഗതം കുറച്ചുസമയം തടസ്സപ്പെട്ടിരുന്നു. പോലീസ് സ്ഥലത്തെത്തി അപകടസ്ഥലം പരിശോധന നടത്തി.
