അരിയും ഉഴുന്നും വെള്ളത്തിൽ ഇടാതെ തന്നെ ഇഡ്‍‍ഡലി തയ്യാറാക്കാം

അരിയും ഉഴുന്നും വെള്ളത്തിൽ ഇടാതെ തന്നെ ഇഡ്‍‍ഡലി ഉണ്ടാക്കിയാലോ. ചിലപ്പോഴെങ്കിലും നമ്മൾ അരി വെള്ളത്തിൽ ഇടാൻ മറന്നു പോകാറുണ്ട്. ഈ സന്ദർഭങ്ങളിൽ ഉണ്ടാക്കാൻ പറ്റിയ ഒരു അടിപൊളി റെസിപ്പി ആണ് ഈ ഇഡ്‍‍ഡലി.

ചേരുവകൾ

വറുത്ത അരിപ്പൊടി (പത്തിരിപ്പൊടി) – 2 കപ്പ്
ഉഴുന്നുപൊടി – 1 കപ്പ്
അവിൽ – 2 കപ്പ്
ഉപ്പ് – അര ടീസ്പൂൺ
വെള്ളം – നാലര കപ്പ്

തയാറാക്കുന്ന വിധം

അരിപ്പൊടിയും, ഉഴുന്നു പൊടിയും, അവിലും, ഉപ്പും, വെള്ളവും ഒരു വലിയ പാത്രത്തിലിട്ട് നന്നായി യോജിപ്പിച്ച് എടുക്കുക. ശേഷം ഇത് മിക്സിയുടെ വലിയ ജാറിൽ അരച്ചെടുക്കുക. മാവ് പുളിക്കാനായി 8 മണിക്കൂർ മാറ്റിവയ്ക്കാം. ഇഡ്‍‍ഡലിത്തട്ടിൽ വെണ്ണ തടയതിനു ശേഷം മാവൊഴിച്ച് 10 മിനിറ്റ് ആവിയിൽ വേവിച്ചെടുക്കുക. പൂ പോലെ ഇഡ്‍‍ഡലി റെഡി. ഇതേ മാവുകൊണ്ട് തന്നെ ദോശയും ചുട്ടെടുക്കാം.