അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.മാഹി: മാഹി ബൈപാസ് പാതയിലെ പാറാൽ മാടപ്പിടിക ഭാഗത്ത് ഇന്ന് രാവിലെ ഉണ്ടായ വാഹനാപകടത്തിൽ വലിയ ദുരന്തം ഒഴിവായി. രാവിലെ ഏകദേശം 11 മണിയോടെയായിരുന്നു സംഭവം.
ഭാഗ്യവശാൽ ആളപായമൊന്നും ഉണ്ടായില്ല. തലശ്ശേരിയിൽ നിന്ന് വടകരയിലേക്കുള്ള ഭാഗത്ത് സഞ്ചരിച്ചുകൊണ്ടിരുന്ന ഒരു ലോറിയാണ് അപകടത്തിൽ പെട്ടത്. റോഡിന്റെ വശത്തേക്ക് തെന്നി ഇടിച്ചുവീണതിനെത്തുടർന്ന് മിനിറ്റുകൾക്കുള്ളിൽ രണ്ട് പേർ പുറത്തിറങ്ങുന്നതായി ദൃക്സാക്ഷികൾ പറഞ്ഞു.
ബുധനാഴ്ച രാത്രിയിലും കണ്ണൂർ ഭാഗത്തേക്കുള്ള സർവീസ് പാതയിൽ മറ്റൊരു ലോറി റോഡിൽ നിന്ന് തെന്നിനീങ്ങിയ സംഭവവും ഉണ്ടായതായി പോലീസ് അറിയിച്ചു. തുടര്‍ച്ചയായ മഴ മൂലം റോഡിന്റെ വശങ്ങൾ നനഞ്ഞതാകാമെന്നു പ്രാഥമിക നിഗമനം.
മാഹി പൊലീസ് അപകടത്തെ കുറിച്ച് അന്വേഷണം ആരംഭിച്ചു.
