അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.മനാമ: അൽഫുർഖാൻ സെൻറിൻ്റെ ആഭിമുഖ്യത്തിൽ മക്കളോടൊപ്പം സ്വർഗ്ഗത്തിൽ എന്ന വിഷയത്തിൽ പ്രഭാഷണം സംഘടിപ്പിച്ചു. പ്രമുഖ വാഗ്മിയും ദാറുൽ ബയ്യിന ഇൻ്റർനേഷനൽ ഇസ്‌ലാമിക് റിസർച്ച് സ്കൂൾ ഡയറക്ടറുമായ ഉനൈസ് പാപ്പിനിശ്ശേരി വിഷയമവതരിപ്പിച്ച്‌ സംസാരിച്ചു.
ദാറുൽ ബയ്യിന ഇൻ്റർനേഷനൽ ഇസ്‌ലാമിക് റിസർച്ച് സ്കൂളിനെ കുറിച്ചും അതിന്റെ ഉദ്ദേശ ലക്ഷ്യങ്ങളെ സംബന്ധിച്ചും അദ്ദേഹം വിശദീകരിച്ചു.
പ്രമുഖ പണ്ഡിതനും ബഹ്റൈൻ മുൻ പാർലിമെൻ്റ് അഗവുമായ ഡോക്റ്റർ ഈസാ ജാസിം അൽ മുതവ്വ പരിപാടി ഉദ്ഘാടനം ചെയ്തു. അൽ ഫുർഖാൻ മലയാള വിഭാഗം പ്രസിഡൻ്റ് സൈഫുല്ല ഖാസിം അധ്യക്ഷത വഹിച്ചു.
പ്രവാസത്തോട്‌ വിട പറയുന്ന ടിപി അബ്ദുറഹ്‌മാൻ സാഹിബിനെ പരിപാടിയിൽ ആദരിച്ചു. ഡോ. ഈസ മുതവ്വ ടിപിക്കുള്ള മൊമന്റോ നൽകി. അൽ ഫുർഖാൻ മദ്രസ്സ വാർഷിക പരീക്ഷയിൽ ഉന്നത വിജയം നേടിയ വിദ്യാർത്ഥികൾക്ക് ട്രോഫികൾ വിതരണം ചെയ്തു. കെഎംസിസി ഗ്ലോബൽ പ്രസിഡൻറ് ഹസൈനാർ കളത്തിങ്കൽ ആശംസകൾ അർപ്പിച്ചു സംസാരിച്ചു.
രക്ഷാധികാരികളായ അബ്ദുൽ മജീദ് തെരുവത്ത്, ബഷീർ മദനി, മൂസാ സുല്ലമി, ട്രഷറർ നൗഷാദ്‌ സ്കൈ, , സുഹൈൽ മേലടി, അബ്ദുറഹ്‌മാൻ മുള്ളങ്കോത്ത്‌ എന്നിവർ പ്രസീഡിയം അലങ്കരിച്ചു.
ജനറൽ സെക്രട്ടറി മനാഫ്‌ സികെ സ്വാഗതവും പ്രോഗ്രാം സെക്രട്ടറി അബ്ദുസ്സലാം ബേപ്പൂർ നന്ദിയും പറഞ്ഞു.
യൂസുഫ്‌ കെപി, ഹിഷാം കുഞ്ഞഹമ്മദ്, മുബാറക് വികെ, ഇഖ്ബാൽ അഹ്മദ്, ഫാറൂഖ് മാട്ടൂല്‍, സയ്യിദ് പുഴക്കൽ, അബ്ദുല്ല പുതിയങ്ങാടി, ബാസിത് അനാറത്ത്, മുഹമ്മദ് ഷാനിദ്, ഹക്കീം യൂസഫ്, നസീഫ് സൈഫുല്ല, മുസ്‌ഫിർ മൂസ, മായൻ കൊയ്‌ലാണ്ടി, സമീൽ യൂസുഫ്‌ വനിതാ വിംഗ്‌ പ്രവർത്തകരായ സബീല യൂസുഫ്‌, ഖമറുന്നിസ കുറ്റ്യാടി, ബിനുറഹ്‌മാൻ, സമീറാ അനൂപ്‌, സീനത്ത്‌ സൈഫുല്ല, സജില മുബാറക്, നസീ‍മ സുഹൈൽ, പരിപാടി എന്നിവർ നിയന്ത്രിച്ചു.
