അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.തമ്പാന്നൂര്‍ റെയില്‍വേ പൊലീസാണ് നിലവില്‍ കേസ് അന്വേഷിക്കുന്നത്. തിരുവനന്തപുരം സെന്‍ട്രല്‍ ജയിലില്‍ റിമാന്‍ഡില്‍ കഴിയുകയാണ് സുരേഷ് കുമാര്‍. അര്‍ച്ചനയെ ജയിലില്‍ എത്തിച്ചാണ് തിരിച്ചറിയല്‍ പരേഡ് നടത്തിയത്. നാളെ പ്രതിയെ കസ്റ്റഡിയില്‍ വാങ്ങുമെന്നാണ് വിവരം. പെണ്‍കുട്ടിയെ ആക്രമിച്ചത് പുകവലി ചോദ്യം ചെയ്തതിനെന്നാണ് പോലീസ് റിമാന്‍ഡ് റിപ്പോര്‍ട്ട്. പുകവലിക്കുന്നത് പരാതിപ്പെടുമെന്ന് പറഞ്ഞത് പ്രതിയെ പ്രകോപിപ്പിച്ചു. കൊലപ്പെടുത്തണമെന്ന ഉദ്ദേശത്തോടുകൂടി തന്നെ ആക്രമിച്ചെന്നും റിപ്പോര്‍ട്ടില്‍ പറയുന്നു.
കോട്ടയത്തെ രണ്ടു ബാറുകളില്‍ നിന്ന് മദ്യപിച്ച ശേഷം പ്രതിയും സുഹൃത്തും കേരള എക്‌സ്പ്രസ്സിന്റെ ജനറല്‍ കമ്പാര്‍ട്ട്‌മെന്റില്‍ കയറി. ശുചിമുറിക്ക് സമീപം നിന്ന് പുകവലിക്കുന്നത് പെണ്‍കുട്ടികള്‍ ചോദ്യം ചെയ്തത് പ്രതിയെ പ്രകോപിപ്പിച്ചു. വാതില്‍ പടിയിലിരുന്ന ശ്രീക്കുട്ടിയെ ശക്തിയായി ചവിട്ടി പുറത്തേക്കെറിഞ്ഞു. സുഹൃത്ത് അര്‍ച്ചനയെയും പ്രതി ആക്രമിക്കാന്‍ ശ്രമിച്ചെങ്കിലും മറ്റു യാത്രക്കാരുടെ സഹായത്താല്‍ രക്ഷപ്പെടുകയായിരുന്നു.
കൊലപ്പെടുത്തണമെന്ന ഉദ്ദേശത്തോടുകൂടി പുറത്തേക്ക് ചവിട്ടി എറിഞ്ഞെന്നും പൊലീസ് പറയുന്നു. വധശ്രമവും യാത്രക്കാരെ ശല്യം ചെയ്യലും ഉള്‍പ്പെടെയുള്ള ആറ് വകുപ്പുകള്‍ ആണ് പ്രതിക്കെതിരെ ചുമത്തിരിക്കുന്നത്. കേരള എക്‌സ്പ്രസ്സിലെ സിസിടിവി ദൃശ്യങ്ങളടക്കം ശേഖരിച്ചാണ് പൊലീസ് അന്വേഷണം തുടരുന്നത്. സിസിടിവി ദൃശ്യങ്ങളില്‍ അക്രമണത്തിന്റെ നിര്‍ണായക വിവരങ്ങളുണ്ട്. പുറത്തേക്ക് ചവിട്ടി എറിഞ്ഞത് സുരേഷ് തന്നെയെന്നും ദൃശ്യങ്ങളില്‍ വ്യക്തമാണ്. ഇത് കേസന്വേഷണത്തില്‍ നിര്‍ണായകമാകുമെന്ന നിരീക്ഷണത്തിലാണ് പൊലീസ്.
Story Highlights : Incident of Drunk Passenger Pushes Woman Out Of Moving Train in Varkala; Identification parade held for accused Suresh
