ഗാസയെ വിഭജിക്കാൻ യു എസ് സൈനിക പദ്ധതി!! ഇസ്രായേൽ അധിനിവേശത്തിന് ഒത്താശ നൽകുന്നുവെന്ന് റിപ്പോർട്ട്

ഗാസയെ വിഭജിച്ചുകൊണ്ട് ഇസ്രായേലി-അന്താരാഷ്ട്ര സൈനിക നിയന്ത്രണത്തിലുള്ള ‘ഗ്രീൻ സോൺ’ നിർമിക്കാനുള്ള വൻ സൈനിക പദ്ധതിയുമായി യു എസ്. ഇതോടെ, പലസ്തീനികൾ ഗാസയുടെ പകുതിയിൽ താഴെ മാത്രം വിസ്തീർണ്ണമുള്ള ‘റെഡ് സോണി’ലേക്ക് പൂർണ്ണമായി ഒതുക്കപ്പെടും. യു.എസ്. സൈനിക ആസൂത്രണ വൃത്തങ്ങളെ ഉദ്ധരിച്ച് ‘ഗാർഡിയൻ’ പത്രമാണ് ഇത് റിപ്പോർട്ട് ചെയ്തത്.

ഗാസയിൽ പലസ്തീൻ ടെക്നോക്രാറ്റുകളുടെ നേതൃത്വത്തിൽ സ്വതന്ത്ര ഭരണകൂടം സ്ഥാപിക്കുമെന്ന വാഗ്ദാനത്തിൽ നിന്ന് അമേരിക്ക തന്ത്രപരമായി പിന്മാറുകയാണ് ഈ നീക്കത്തിലൂടെ. ഇതിനുപകരം, ഇസ്രായേൽ അധിനിവേശം വ്യാപിപ്പിക്കുന്നതിന് ഒത്താശ നൽകുന്നതാണ് പുതിയ നീക്കം. ‘ഗ്രീൻ സോണി’നും ‘റെഡ് സോണി’നും ഇടയിലുള്ള ഇടനാഴിയിൽ (‘യെല്ലോ സോൺ’) ഇസ്രായേൽ സൈന്യവും അന്താരാഷ്ട്ര സേനയും നിലയുറപ്പിക്കും.

പ​ദ്ധ​തി പ്ര​കാ​രം ബോം​ബ് നി​ർ​വീ​ര്യ​മാ​ക്ക​ൽ, ചി​കി​ത്സ എ​ന്നി​വ​യി​ൽ വൈ​ദ​ഗ്ധ്യ​മു​ള്ള 1500 ബ്രി​ട്ടീ​ഷ് സൈ​നി​ക​ർ, കെ​ട്ടി​ടാ​വ​ശി​ഷ്ട​ങ്ങ​ൾ നി​റ​ഞ്ഞ റോ​ഡ് വൃ​ത്തി​യാ​ക്കാ​ൻ 1000 ഫ്ര​ഞ്ച് സൈ​നി​ക​ർ തു​ട​ങ്ങി​യ​വ​ർ ഗാസ​യി​ലെ​ത്തും. ജ​ർ​മ​നി, നെ​ത​ർ​ല​ൻ​ഡ്സ്, നോ​ർ​ഡി​ക് രാ​ജ്യ​ങ്ങ​ൾ എ​ന്നി​വി​ട​ങ്ങ​ളി​ൽ​നി​ന്നു​ള്ള സൈ​നി​ക​ർ ന​യി​ക്കു​ന്ന ഫീ​ൽ​ഡ് ആ​ശു​പ​ത്രി​ക​ളു​ണ്ടാ​കും. ച​ര​ക്കു​നീ​ക്കം, ര​ഹ​സ്യാ​ന്വേ​ഷ​ണം എ​ന്നി​വ​യും അ​ന്താ​രാ​ഷ്ട്ര സൈ​നി​ക​രു​ടെ മേ​ൽ​നോ​ട്ട​ത്തി​ലാ​കും. ഗാസ സ​മ​ഗ്ര പു​ന​ർ​നി​ർ​മാ​ണ​ത്തെ​ക്കു​റി​ച്ച് യുഎ​സ് മൗ​നം പാ​ലി​ക്കു​ക​യാ​ണ്. വെ​ടി​നി​ർ​ത്ത​ൽ പ്ര​ഖ്യാ​പി​ച്ചി​ട്ടും ഇ​ട​ക്കി​ടെ ഇ​സ്രാ​യേ​ൽ ആ​ക്ര​മ​ണം ന​ട​ത്തു​ന്നു​മു​ണ്ട്.

അതേസമയം ഗാസയെ വിഭജിക്കാനുള്ള ദീർഘകാല പദ്ധതിയാണ് ഇതെന്നാണ് ‘ഗാർഡിയൻ’ വിശേഷിപ്പിക്കുന്നത്.

എന്നാൽ, വെ​ടി​നി​ർ​ത്ത​ലി​ന് മ​ധ്യ​സ്ഥ​ത വ​ഹി​ച്ച ഖ​ത്ത​റി​നും ഈ​ജി​പ്തി​നും അ​മേ​രി​ക്ക​ൻ പ​ദ്ധ​തി​യി​ൽ വി​യോ​ജി​പ്പു​ള്ള​താ​യാ​ണ് വി​വ​രം. ഇ​ത് യു​ദ്ധ​വു​മ​ല്ല, സ​മാ​ധാ​ന​വു​മ​ല്ല എ​ന്നാ​ണ് അ​വ​രു​ടെ പ്ര​തി​ക​ര​ണം എ​ന്നാ​ണ് റി​പ്പോ​ർ​ട്ടി​ൽ പ​റ​യു​ന്ന​ത്.