അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മാനന്തവാടി: രാത്രിയിൽ താൽക്കാലികമായി നവീകരിച്ച കൊയിലേരി–പയ്യമ്പള്ളി റോഡ് പുലർച്ചെ തന്നെ ഇടിഞ്ഞുവീണതോടെ അധികൃതരുടെയും കരാറുകാരുടെയും അശാസ്ത്രീയ പ്രവർത്തനം വീണ്ടും വിമർശനത്തിന് വിധേയമാകുന്നു. ശനിയാഴ്ച രാത്രിയിൽ എമർജൻസിയായി പൂർത്തിയാക്കിയ റോഡാണ് നേരം വെളുത്തപ്പോൾ താറുമാറായി കിടക്കുന്നത് ജനശ്രദ്ധയിൽ പെട്ടത്.
“ജനങ്ങളുടെ കണ്ണിൽ പൊടിയിടാൻ നടത്തിയ താൽക്കാലിക പരിപാടിയാണിത്,” എന്ന് പ്രക്ഷോഭത്തിൽ പങ്കെടുത്തവർ അഭിപ്രായപ്പെട്ടു.
നാലു കിലോമീറ്റർ നീളമുള്ള കൊയിലേരി–പയ്യമ്പള്ളി റോഡിന്റെ മുഴുവൻ ഭാഗവും പുനർനിർമിക്കാതെ വഴിയില്ല എന്ന് ആവശ്യപ്പെട്ട് ബിജെപി പയ്യമ്പള്ളി ഏരിയ കമ്മിറ്റി പ്രതിഷേധം സംഘടിപ്പിച്ചു. ഉദ്യോഗസ്ഥർക്കും കരാറുകാരനും എതിരെ ശക്തമായ നടപടിയെടുക്കണമെന്ന് നേതാക്കൾ ആവശ്യപ്പെട്ടു.
പ്രക്ഷോഭത്തിൽ ശശി എടപ്പടി, വിൽഫ്രഡ് ജോസ്, അമൽ കൊയിലേരി, സുനിൽ വള്ളിയൂർക്കാവ് എന്നിവർ പ്രസംഗിച്ചു. റോഡിന്റെ ഗുണനിലവാരം പരിശോധിച്ച് ഉത്തരവാദികളെ നിയമത്തിന്റെ മുൻപിൽ നിർത്തണമെന്ന് അവർ ആവശ്യപ്പെട്ടു.
