അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ആയഞ്ചേരി: തോടന്നൂർ ഉപജില്ലയിൽ വെച്ച് നടന്ന വിവിധ കല–കായിക–വിദ്യാഭ്യാസ മേളകളിൽ ഉജ്ജ്വല നേട്ടങ്ങളുമായി കടമേരി മാപ്പിള യു.പി സ്കൂൾ തങ്ങളുടെ മികച്ച കഴിവ് വീണ്ടും തെളിയിച്ചു. സ്വന്തമാക്കിയ നിരവധിപുരസ്കാരങ്ങളുടെ വിജയാഘോഷമായി സ്കൂളിലെ അദ്ധ്യാപകരും വിദ്യാർത്ഥികളും ചേർന്ന് ആയഞ്ചേരി ടൗണിലൂടെ ഭംഗിയാർന്ന ഘോഷയാത്ര സംഘടിപ്പിച്ചു.
ഉപജില്ലാതല കായികമേളയിൽ കിഡ്ഡീസ് ഓവറോൾ കിരീടവും എൽ.പി മിനി ഓവറോൾ കിരീടവും നേടി സ്കൂളിന് അഭിമാന നേട്ടം കൈവരിച്ചു. പഞ്ചായത്ത് തല കായികമേളയിലും സ്കൂൾ ഓവറോൾ കിരീടം സ്വന്തമാക്കി മികവ് ആവർത്തിച്ചു.
ഉപജില്ലാ തലം യു പി കലാമേള സെക്കന്റ് റണ്ണർ അപ്പ്, ഉപജില്ലാ തലം എൽ പി അറബിക് കലാമേള ഓവറോൾ കിരീടം, യു പി അറബിക് കലാമേള ഓവറോൾ കിരീടം, പഞ്ചായത്ത് തലം എൽ പി അറബിക് കലാ മേള ഓവറോൾ കിരീടം, എൽ പി കലാമേള ഫസ്റ്റ് റണ്ണർ അപ്പ്, ഐ ടി മേള ഫസ്റ്റ് റണ്ണർ അപ്പ്, ശസ്ത്ര മേള ഫസ്റ്റ് റണ്ണർ അപ്പ് എന്നിവയാണ് കെ എം യു പിയിലെ മിടുക്കന്മാരും മിടുക്കികളും ഈ വർഷം നേടിയത്. ഹെഡ്മാസ്റ്റർ ടി. കെ. നസീർ, പി ടി എ പ്രസിഡന്റ് ഇ. പി. മൊയ്തു, സ്കൂൾ ഫെസ്റ്റിവൽ കമ്മിറ്റി കൺവീനർ ടി. കെ. ഹാരിസ്, സ്റ്റാഫ് സെക്രട്ടറി കെ. അബ്ദുറഹ്മാൻ മുൻ പി ടി എ പ്രസിഡന്റ് മൻസൂർ ഇടവലത്ത് എന്നിവർ നേതൃത്വം നൽകിയഘോഷയാത്രയിൽ സ്കൂളിലെ മുഴുവൻ അദ്ധ്യാപകരും വിദ്യാർഥികളും പങ്കെടുത്തു.
