അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പയ്യോളി: അമ്മയുടെ മരണാനന്തര ചടങ്ങുകൾ കഴിഞ്ഞ് ആറാം നാൾ മകനെ റെയിൽവേ പാളത്തിൽ മരിച്ച നിലയിൽ കണ്ടെത്തി. പെരുമാൾപുരം കളത്തിൽ താമസിച്ചിരുന്ന സുരേഷ് (55) ആണ് മരണപ്പെട്ടത്.
“അമ്മയുടെ കൂടെ ഞാനും പോവാ…” എന്ന് ഫേസ്ബുക്കിൽ പോസ്റ്റ് ചെയ്തതിന് ശേഷമാണ് സംഭവം നടന്നത്. ശനിയാഴ്ച ഉച്ചയോടെ കോഴിക്കോട് ഭാഗത്തേക്കുള്ള തീവണ്ടി കടന്നുപോയതിന് പിന്നാലെയാണ് സുരേഷിന്റെ ശരീരം പാളത്തിന് സമീപം കണ്ടെത്തിയത്.
നവംബർ 20-നാണ് അമ്മയുടെ മരണാനന്തര ചടങ്ങുകൾ അവസാനിച്ചത്. പരേതരായ നാരായണനും നാരായണിയും ദമ്പതികളുടെ മകനാണ് സുരേഷ്. മടപ്പള്ളി ഗവ. കോളേജ് പ്രൊഫസർ ദിനേശൻ സഹോദരനാണ്. കുടുംബത്തെ ആഴത്തിൽ ദുഃഖത്തിലാഴ്ത്തിയ സംഭവം പ്രദേശത്ത് വലിയ ഞെട്ടലുണ്ടാക്കി.
