അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.‘സുരേശന്റെയും സുമലതയുടെയും ഹൃദയഹാരിയായ പ്രണയകഥ’ ചിത്രത്തില് പകരക്കാരന് അഭിനയിച്ചെന്ന സുനിൽ രാജ്യുടെ പോസ്റ്റ് വിവാദത്തിൽ.
അഭിനേതാവും മിമിക്രി താരവുമായ സുനിൽ രാജിന്റെ സോഷ്യൽ മീഡിയ പോസ്റ്റ് വിവാദമായി മാറിയതിനെ തുടർന്ന്, സിനിമയുടെ നിർമാതാവ് അജിത് തലപ്പിള്ളി വാസ്തവം വ്യക്തമാക്കിക്കൊണ്ട് രംഗത്തെത്തി. കുഞ്ചാക്കോ ബോബന്റെ കഥാപാത്രത്തിൽ താനാണ് ചില സീനുകളിൽ അഭിനയിച്ചതെന്ന് അവകാശപ്പെട്ട സുനിലിന്റെ പ്രസ്താവന പൂർണ്ണമായും ശരിയല്ലെന്ന് നിർമാതാവ് വ്യക്തമാക്കി.
അജിത് തലപ്പിള്ളിയുടെ പറയുന്നതനുസരിച്ച്, കുഞ്ചാക്കോ ബോബൻ ചിത്രീകരണത്തിന് ഏഴ് ദിവസത്തെ ഡേറ്റ് നൽകിയിരുന്നുവെന്നും, ആ ദിവസങ്ങളിലെ എല്ലാ സീനുകളും തന്നെ ചെയ്യാൻ അദ്ദേഹം സെറ്റിൽ എത്തിയിരുന്നുവെന്നും വ്യക്തമാക്കി. സുനിൽ രാജ് നിർവഹിച്ചിരിക്കുന്നത് സിനിമാ മേഖലയിൽ സാധാരണയായി ഉപയോഗിക്കുന്ന “സജഷൻ സീനുകൾ” മാത്രമാണ് പ്രധാന താരം ഫ്രെയിമിൽ ഇരിക്കുന്നതുപോലെ തോന്നിക്കേണ്ട ഷോട്ടുകൾ.
ഒരു സീനിൽ പോലും ചാക്കോച്ചന്റെ പകരം അഭിനയിച്ചിട്ടില്ല. സജഷൻ ഷോട്ടുകൾക്ക് വേണ്ടിയാണ് അദ്ദേഹം ഡ്യൂപ്പായി പ്രവർത്തിച്ചത്. ആ ചിത്രങ്ങളാണ് അദ്ദേഹം പങ്കുവച്ചതും.”
വിവാദം രൂക്ഷമായതോടെ സുനിൽ രാജ് തൻറെ പോസ്റ്റ് സാമൂഹ്യമാധ്യമങ്ങളിൽ നിന്ന് പിൻവലിക്കുകയും വിശദീകരണമുമിട്ടു. എന്നാൽ, ഈ പോസ്റ്റിന്റെ ഉള്ളടക്കം ചാക്കോച്ചനെ കളിയാക്കുന്നതുപോലെയാണ് തോന്നിയതെന്നും,
സിനിമയ്ക്കും അണിയറപ്രവർത്തകർക്കും നേരെയുള്ള അനീതിയാണിതെന്നും നിർമാതാവ് അഭിപ്രായപ്പെട്ടു.
രതീഷ് ബാലകൃഷ്ണ പൊതുവാൾ സംവിധാനിച്ച ചിത്രമായ സുരേശന്റെയും സുമലതയുടെയും ഹൃദയഹാരിയായ പ്രണയകഥ’ യിലെ സുനിലിന്റെ വെളിപ്പെടുത്തൽ വൻ ചർച്ചകൾക്കിടയിൽ, സോഷ്യൽ മീഡിയയിൽ പ്രചരിച്ച ചിത്രങ്ങൾ സജഷൻ സീനുകളിലെ വസ്ത്രധാരണ ചിത്രങ്ങളാണെന്നും നിർമ്മാതാവ് ആവർത്തിച്ചുപറഞ്ഞു.
