അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കോഴിക്കോട്: പോലീസ് പരിശോധനയ്ക്കിടെ നിരോധിത പുകയില ഉൽപ്പന്നങ്ങളുമായി രക്ഷപ്പെട്ട പ്രതി ഒടുവിൽ പുലിസിന്റെ പിടിയിൽ. പുതിയങ്ങാടി തോട്ടുവക്കത്ത് ടിവി ഹൗസ് സ്വദേശിയായ പി.കെ. ഹാഷിം (36)നെയാണ് ചേവായൂർ പോലീസ് ഡാൻസാഫ് സ്ക്വാഡിന്റെ സഹായത്തോടെ അറസ്റ്റ് ചെയ്തത്.
കഴിഞ്ഞ മാസം 19-നാണ് സംഭവം. മംഗലാപുരത്തിൽ നിന്ന് കോഴിക്കോട് ജില്ലയിലേക്ക് കൊണ്ടുവരുകയായിരുന്ന 13 ചാക്ക് നിരോധിത പുകയില ഉൽപ്പന്നങ്ങൾ ഉള്ള കെ.എൽ. 56 പി 3006 നമ്പർ ചുവന്ന ഫിയറ്റ് കാറിനെപ്പറ്റി ലഭിച്ച രഹസ്യ വിവരത്തിന്റെ അടിസ്ഥാനത്തിൽ സിറ്റി ബോർഡർ പാലോറമലയിൽ പരിശോധന നടത്തിയിരുന്നു. എന്നാൽ, പോലീസിനെ വെട്ടിച്ച് വാഹനം കൊണ്ടുപോയി ഹാഷിം.
തുടർ അന്വേഷണത്തിൽ വേങ്ങേരി ഭാഗത്ത് കാർ ഉപേക്ഷിച്ച നിലയിൽ കണ്ടെത്തി. അകത്ത് ഉണ്ടായിരുന്ന ഉൽപ്പന്നങ്ങളുടെ വില ഏകദേശം പത്തുലക്ഷം രൂപയെന്ന് കണക്കാക്കുന്നു. എന്നാൽ, അന്നേ ദിവസം പ്രതി സ്ഥലത്ത് നിന്ന് രക്ഷപ്പെട്ടു.
ഈ സംഭവത്തിന് പുറമേ, കോഴിക്കോട് നല്ലളത്ത് 200 പാക്കറ്റ് ഹാൻസ് കൈവശം വച്ചതിനും ഹാഷിംക്കെതിരെ കേസ് നിലവിലുണ്ടെന്നാണ് പോലീസ് വ്യക്തമാക്കുന്നത്.
