അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പ്രണയിനിയുമൊത്തുള്ള സ്വകാര്യ രംഗങ്ങൾ ചോർന്നതിന് പിന്നാലെ വിശദീകരണവുമായി പ്രമുഖ ബംഗാൾ വ്ലോഗറും ‘പള്ളിഗ്രാം ടിവി’യുടെ പ്രധാന മുഖങ്ങളിൽ ഒരാളുമായ സോഫിക് എസ്.കെ. രംഗത്ത്. വിഡിയോ ഒരു വർഷം മുൻപുള്ളതാണെന്ന് വെളിപ്പെടുത്തിയ വ്ലോഗർ, ആരാധകരോട് ക്ഷമാപണം നടത്തുകയും ചെയ്തു. വിഡിയോ പുറത്തുവന്നതിന് പിന്നാലെ വലിയ രീതിയിൽ ട്രോളുകളും വിമർശനങ്ങളും ഉയർന്ന സാഹചര്യത്തിലാണ് സോഫിക് വിശദീകരണവുമായി എത്തിയത്. വിഡിയോ ഡീപ്പ് ഫേക്കിലൂടെയോ എഐയിലൂടെയോ വ്യാജമായി ഉണ്ടാക്കിയതാണോ എന്ന ചർച്ചകൾ നടക്കുന്നതിനിടെയാണ് അത് തൻ്റെ തന്നെ വിഡിയോയാണെന്ന് സോഫിക് സ്ഥിരീകരിച്ചത്. വിഡിയോ പ്രചരിപ്പിച്ചവർക്കെതിരെ നിയമനടപടിയുമായി മുന്നോട്ടുപോകാനാണ് സോഫിക്കിൻ്റെ തീരുമാനം.
സോഫികിന്റെ വാക്കുകൾ:
‘എന്റെ ആരാധകരോട് ഞാൻ ക്ഷമ ചോദിക്കുകുന്നു. ഇപ്പോൾ പ്രചരിക്കുന്ന വിഡിയോ ഒരു വർഷം മുൻപുള്ളതാണ്. ഇപ്പോൾ ഞാൻ പുതിയൊരു മനുഷ്യനാണ്. എന്റെ ജോലിയിൽ മാത്രമാണ് ഞാനിപ്പോൾ ശ്രദ്ധ കേന്ദ്രീകരിക്കുന്നത്. എങ്കിലും എന്റെ വിജയം ഉൾക്കൊള്ളാൻ കഴിയാത്ത കുറച്ച് സുഹൃത്തുക്കൾ എനിക്കുണ്ട്. ഞാൻ നന്നാകുന്നത് അവർക്ക് ഇഷ്ടമാകുന്നില്ല. അതുകൊണ്ടാണ് അവർ ഈ വിഡിയോ പോസ്റ്റ് ചെയ്ത് വൈറലാക്കിയത്. എന്റെ ഇത്രയും സ്വകാര്യമായ വിഡിയോ അവർക്ക് എങ്ങനെ ലഭിച്ചു എന്ന് നിങ്ങൾ ചോദിക്കും. ആ വിഡിയോ എന്റെ ഫോണിൽ ഉണ്ടായിരുന്നില്ല. പക്ഷേ എന്റെ കാമുകിയുടെ ഫോണിൽ ഉണ്ടായിരുന്നു. ഞങ്ങൾ എന്തോ ഷൂട്ട് ചെയ്യുന്നതിനിടയിൽ ഫോണുകൾ ആ സുഹൃത്തിന് കൈമാറിയതാണ്. അവന് ഞങ്ങളുടെ ഫോണിന്റെ പാസ്വേഡുകൾ അറിയാമായിരുന്നു. ഞങ്ങൾ അവനെ വളരെയധികം വിശ്വസിച്ചതുകൊണ്ട് അവനോട് എല്ലാം പറയുമായിരുന്നു. എന്നാൽ അവൻ തന്നെ ഈ വിഡിയോ വച്ച് ഞങ്ങളെ ബ്ലാക്ക് മെയിൽ ചെയ്തുകൊണ്ടിരുന്നു. തുടർന്ന് ഞാൻ അവനുമായുള്ള എല്ലാ ബന്ധങ്ങളും അവസാനിപ്പിച്ചു. ഇതോടെ അവന് േദഷ്യമായി. ഒടുവിൽ അവൻ വിഡിയോ ഓൺലൈനിൽ പോസ്റ്റ് ചെയ്തു. ഇങ്ങനെയൊക്കെ സംഭവിക്കുമെന്ന് ഞാൻ ഒരിക്കലും കരുതിയതല്ല. അവനെ എന്റെ സഹോദരനായാണ് കണ്ടത്. കുറച്ച് ദിവസങ്ങൾ അവനോടൊപ്പമാണ് താമസിച്ചത്. എന്നിട്ടും ക്ലിപ്പ് പോസ്റ്റ് ചെയ്യുമ്പോൾ അവൻ രണ്ടാമതൊന്ന് ആലോചിച്ചില്ല’.
ഇൻസ്റ്റാഗ്രാമിൽ നാല് ലക്ഷത്തിലധികം ഫോളോവേഴ്സാണ് സോഫിക്കിനുള്ളത്. കാമുകിക്കും സുഹൃത്തുക്കൾക്കുമൊത്തുള്ള ഡാൻസ് വിഡിയോകൾ, ഹാസ്യ സ്കിറ്റുകൾ, നാടൻ നാടകങ്ങൾ എന്നിവ അവതരിപ്പിച്ചുകൊണ്ടാണ് സോഫിക് പ്രശസ്തിയിലേക്ക് ഉയർന്നത്. അദ്ദേഹത്തിൻ്റെ വിഡിയോകൾക്ക് ദശലക്ഷക്കണക്കിന് കാഴ്ചക്കാരെ ലഭിക്കാറുണ്ട്.
