അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ശബരിമല സ്വർണക്കൊള്ള കേസിലെ പ്രതിയായ ബി മുരാരി ബാബുവിന്റെ ജാമ്യാപേക്ഷ തള്ളി കൊല്ലം വിജിലൻസ് കോടതി. 2019 ല് ദ്വാരപാലക ശില്പങ്ങളില്നിന്ന് സ്വർണം കവർന്ന കേസിലെ രണ്ടാം പ്രതിയാണ് ശബരിമലയിലെ മുൻ അഡ്മിനിസ്ട്രേറ്റീവ് ഓഫിസർ മുരാരി ബാബു.
2019 കാലത്ത് ശബരിമലയില് അഡ്മിനിസ്ട്രേറ്റീവ് ഓഫിസറായിരുന്നു മുരാരി ബാബു. 1998 ൽ വിജയ് മല്യ ശബരിമലയിലെ ദ്വാരപാലക ശില്പത്തിൽ 30 കിലോ സ്വർണം പൂശിയിരുന്നു. ഈ കാര്യം അറിയാവുന്ന മുരാരി ബാബു 2019 ലും 2024 ലും പാളികള് സ്വർണം അല്ല ചെമ്പാണെന്ന് തെറ്റായി റെക്കോർഡിൽ രേഖപ്പെടുത്തി.
ഒന്നാംപ്രതി ഉണ്ണിക്കൃഷ്ണന് പോറ്റിയെക്കൊണ്ടുതന്നെ സ്വര്ണം പൂശിക്കണമെന്നു ബോര്ഡിനോടെ ശുപാർശ ചെയ്തത് മുരാരി ബാബു ആയിരുന്നു. അങ്ങനെയാണ് അന്വേഷണസംഘത്തിന് മുരാരി ബാബുവിൽ സംശയം ഉണ്ടാകുന്നത്. വീണ്ടും സ്വര്ണം തട്ടിയെടുക്കാനുള്ള ആസൂത്രിത നീക്കമായിരുന്നു ഇതെന്നാണു പ്രത്യേക അന്വേഷണസംഘത്തിന്റെ അനുമാനം.
ദ്വാരപാലക ശിൽപ്പപാളിയിലെ സ്വർണ മോഷണക്കേസിൽ മുരാരി ബാബു രണ്ടാം പ്രതിയും കട്ടിളപ്പടികളിലെ സ്വർണമോഷണക്കേസിൽ ആറാം പ്രതിയുമാണ്. രണ്ടു കേസുകളിലും ജാമ്യം ലഭിച്ചില്ല.
