അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പുറമേരി: ജില്ലാ പഞ്ചായത്ത് എടച്ചേരി ഡിവിഷൻ യുഡിഎഫ് സ്ഥാനാർഥി കേ. വത്സലകുമാരിയുടെ തെരഞ്ഞെടുപ്പ് പ്രചാരണ കൺവെൻഷൻ ഉത്സാഹപൂർവ്വം നടന്നു. പരിപാടി ഡിസിസി പ്രസിഡൻറ് കെ. പ്രവീൺ കുമാർ ഉദ്ഘാടനം ചെയ്തു.
ജില്ലാ മുസ്ലിം ലീഗ് വൈസ് പ്രസിഡൻറ് കെ.ടി. അബ്ദുറഹിമാൻ അധ്യക്ഷത വഹിച്ച കൺവെൻഷനിൽ, മുസ്ലിം ലീഗ് സംസ്ഥാന സെക്രട്ടറി പാറക്കൽ അബ്ദുല്ല മുഖ്യപ്രഭാഷണം നടത്തി. തെരഞ്ഞെടുപ്പിനോടനുബന്ധിച്ച് ജനപക്ഷ വികസന നിർദേശങ്ങളും യുഡിഎഫിന്റെ നിലപാടുകളും അദ്ദേഹം വിശദീകരിച്ചു.
സമ്മേളനത്തിൽ വി.പി. കുഞ്ഞമ്മദ്, മോഹനൻ പാറക്കടവ്, ആവോലം രാധാകൃഷ്ണൻ, പ്രമോദ് കക്കട്ടിൽ, അഡ്വ. എ. സജീവൻ, സി. പവിത്രൻ, കെ. മുഹമ്മദ് സാലി, പി. അജിത്ത്, ടി. കുഞ്ഞിക്കണ്ണൻ, ജില്ലാ പഞ്ചായത്ത് സ്ഥാനാർഥി കെ. വത്സലകുമാരി, ബ്ലോക്ക് സ്ഥാനാർഥികളായ എ.പി. മുനീർ , ശ്രീജ മണികണ്ഠൻ എന്നിവർ പ്രസംഗിച്ചു.
കൺവെൻഷനിൽ തെരഞ്ഞെടുപ്പ് കമ്മിറ്റി ഭാരവാഹികളെയും പ്രഖ്യാപിച്ചു. കെ.ടി. അബ്ദുറഹിമാൻ ചെയർമാനായും, സി. പവിത്രൻ ജനറൽ കൺവീനറെയുമായി, ടി. കുഞ്ഞിക്കണ്ണൻ ഖജാൻജിയായി ചുമതലയേറ്റു.
സമ്മേളനത്തിൽ പ്രാദേശിക പിന്തുണ ഉറപ്പാക്കുന്നതോടൊപ്പം തദ്ദേശവികസനത്തിനായുള്ള യുഡിഎഫിന്റെ ദൃശ്യകാഴ്ചകൾ അവതരിപ്പിക്കുകയും ചെയ്തു. സജീവ പങ്കാളിത്തത്തിന് പ്രദേശവാസികൾ നല്ല പിന്തുണ നൽകിയെന്ന് നേതാക്കൾ അറിയിച്ചു.
