അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കണ്ണൂർ: രാജസ്ഥാനിലെ ഹോസ്റ്റലിൽ മലയാളി വിദ്യാർത്ഥിനി ആത്മഹത്യ ചെയ്തു. ചക്കരക്കൽ കാവിന്മൂല മിടാവിൽോട് പാർവതി നിവാസിൽ പൂജ (23) യെയാണ് ഹോസ്റ്റൽ മുറിയിൽ തൂങ്ങി മരിച്ച നിലയിൽ കണ്ടെത്തിയത്.
ശ്രീഗംഗാനഗറിലെ ഗവൺമെന്റ് വെറ്ററിനറി കോളജിൽ മൂന്നാം വർഷ ബിരുദവിദ്യാർത്ഥിനിയായിരുന്നു പൂജ. നവംബർ 28-നാണ് ഹോസ്റ്റലിൽ വച്ച് യുവതിയെ തൂങ്ങി മരിച്ച നിലയിൽ കണ്ടെത്തിയത്.
മൃതദേഹം നാട്ടിലെത്തിച്ച ശേഷം തിങ്കളാഴ്ച രാവിലെ പയ്യാമ്പലത്ത് സംസ്കരിച്ചു. പൂജ, അച്ഛൻ വസന്തൻ (ഓട്ടോഡ്രൈവർ, കൊല്ലൻചിറ) അമ്മ സിന്ധു (അധ്യാപിക, എഇഎസ് ഇംഗ്ലീഷ് മീഡിയം സ്കൂൾ, അഞ്ചരക്കണ്ടി) എന്നിവരുടെ ഏക മകളായിരുന്നു. ഒറ്റ മകളെ നഷ്ടപ്പെട്ട വാർത്തയിൽ കുടുംബം തകർന്ന നിലയിലാണ്.
യുവതിയുടെ ആത്മഹത്യയുടെ കാരണം വ്യക്തമല്ല. രാജസ്ഥാനിലെ പൊലീസ് അന്വേഷണത്തിന് തുടക്കമിട്ടിരിക്കുകയാണ്. അടുത്ത സുഹൃത്തുക്കളുടെയും അധ്യാപകരുടെയും മൊഴികളും ശേഖരിക്കുന്നുണ്ട്.
