അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഡിജിറ്റൽ, സാങ്കേതിക സർവകലാശാലകളിലെ വിസി നിയമനവുമായി ബന്ധപ്പെട്ട കേസ് സുപ്രീംകോടതി ഇന്ന് പരിഗണിക്കും. ജസ്റ്റിസുമാരായ ജെ.ബി. പാർദിവാല, കെ.വി. വിശ്വനാഥൻ എന്നിവരടങ്ങിയ ബെഞ്ചാണ് ഹർജികൾ പരിഗണിക്കുന്നത്.
കേസില് കഴിഞ്ഞദിവസം ചാന്സലറായി ഗവര്ണര് പുതിയ സത്യവാങ്മൂലം കോടതിയില് സമര്പ്പിച്ചിരുന്നു. മെറിറ്റ് മറികടന്നാണ് മുഖ്യമന്ത്രി മുന്ഗണന ക്രമം നിശ്ചയിച്ചതെന്നും സിസ തോമസിനെയും ഡോക്ടര് പ്രിയ ചന്ദ്രനെയും ഇരു സര്വകലാശാലകളിലെയും വി സിമാരായി നിയമിക്കാന് അനുമതി നല്കണമെന്നും ഗവര്ണര് സത്യവാങ്മൂലത്തില് ആവശ്യപ്പെട്ടിട്ടുണ്ട്.
ജസ്റ്റിസ് സുധാന്ഷു ധൂലിയ ചെയര്മാരായ ചര്ച്ച കമ്മിറ്റി പേരുകള് ശുപാര്ശ ചെയ്തിട്ടും തീരുമാനമെടുക്കാന് ഗവര്ണര് വൈകുന്നതില് നേരത്തെ സുപ്രീംകോടതി അതൃപ്തി അറിയിച്ചിരുന്നു.
സാങ്കേതിക സര്വകലാശാല വിസിയായി സിസാ തോമസിനെയും ഡിജിറ്റല് സര്വകലാശാല വിസിയായി ഡോക്ടര് പ്രിയ ചന്ദ്രനെയും നിയമിക്കണം. സെര്ച്ച് കമ്മിറ്റി ചെയര്മാന് ജസ്റ്റിസ് സുദ്ന്ഷു ധൂലിയ നല്കിയ രണ്ടു പട്ടികയിലും ഇടം നേടിയവരാണിവര്. ഇവരുടെ നിയമനത്തിനായി അനുവാദം നല്കണമെന്നാണ് ഗവര്ണര് സത്യവാങ്മൂലത്തില് ആവശ്യപ്പെട്ടത്.
വിസിയായിരുന്ന കാലത്ത് സര്വകലാശാലയ്ക്ക് നാണക്കേട് ഉണ്ടാക്കിയെന്ന് ആരോപിച്ചാണ് മുഖ്യമന്ത്രി പട്ടികയില് നിന്ന് സിസാ തോമസിനെ ഒഴിവാക്കിയത്. മുഖ്യമന്ത്രി നല്കിയ പേരുകള് സജി ഗോപിനാഥന്റെയും എം എസ് രാജശ്രീയുടെയുമാണെന്നും ഇരുവര്ക്കും എതിരെ ചില ആരോപണങ്ങള് നിലനില്ക്കുന്നുണ്ടെന്നും ചാന്സിലര് ആയ ഗവര്ണര് ചൂണ്ടിക്കാട്ടി. മുഖ്യമന്ത്രി നിര്ദ്ദേശിച്ച സജി ഗോപിനാഥനെയും എം എസ് രാജശ്രീയെയും നിയമിക്കാന് ആകില്ലെന്നാണ് ഗവര്ണറുകളുടെ നിലപാട്.
