അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ലൈംഗികാതിക്രമക്കേസിൽ രാഹുൽ മാങ്കൂട്ടത്തിൽ എംഎൽഎ സമർപ്പിച്ച മുൻകൂർ ജാമ്യാപേക്ഷ ഇന്ന് ഹൈക്കോടതി പരിഗണിക്കും. ജസ്റ്റിസ് കെ. ബാബു അധ്യക്ഷനായ സിംഗിള് ബെഞ്ചാണ് വിഷയം പരിഗണിക്കുക.
പീഡനക്കുറ്റം നിലനില്ക്കില്ലെന്നും യുവതി പരാതി നല്കാന് വൈകിയെന്നും മുന്കൂര് ജാമ്യ അപേക്ഷയില് രാഹുല് വാദിക്കുന്നുണ്ട്. നടപടിക്രമങ്ങള് പാലിക്കാതെ നേരിട്ട് മുഖ്യമന്ത്രിക്കാണ് യുവതി പരാതി നല്കിയത്.
മുഴുവന് കാര്യങ്ങളും അന്വേഷണ സംഘത്തിന് മുന്നില് വിശദീകരിക്കാന് തയ്യാറാണെന്നും രാഹുല് അപേക്ഷയില് രാഹുല് ചൂണ്ടിക്കാട്ടി. പരാതിക്ക് പിന്നില് രാഷ്ട്രീയ ഗൂഢാലോചനയുണ്ടെന്നും തെളിവുകള് നല്കാന് സാവകാശം വേണമെന്നും രാഹുല് മുന്കൂര് ജാമ്യാപേക്ഷയില് പറയുന്നുണ്ട്.
തിരുവനന്തപുരം പ്രിൻസിപ്പൽ സെഷൻസ് കോടതിയിൽ സമർപ്പിച്ച മുൻകൂർ ജാമ്യാപേക്ഷ കഴിഞ്ഞ ദിവസം തള്ളിയിരുന്നു. ഇതെത്തുടർന്നാണ് രാഹുൽ ഹൈക്കോടതിയെ സമീപിച്ചത്. അതേ സമയം, രാഹുൽ ഒളിവിലായിട്ട് ഇന്നേക്ക് 10-ാം ദിവസമാകുന്നു.
