അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കൊച്ചി: നടിയെ ആക്രമിച്ച കേസില് ഇത് അന്തിമ വിധിയല്ലെന്ന് അന്വേഷണ സംഘം മുന് മേധാവി ബി സന്ധ്യ. നടന് ദിലീപ് ഉള്പ്പടെയുള്ള നാലു പ്രതികളെ വെറുതെ വിട്ടത് ഗൂഢാലോചന തെളിയിക്കാന് പ്രോസിക്യൂഷന് സാധിക്കാതിരുന്നതിനാലാണ്. എന്നാല് ഇത് അന്തിമ വിധിയല്ലെന്നും മേല്ക്കോടതിയില് എന്ത് സംഭവിക്കുമെന്ന് നോക്കാമെന്നും ഗൂഢാലോചന എപ്പോഴും ഒരു വെല്ലുവിളിയാണെന്നും അവര് പറഞ്ഞു.
‘അന്വേഷണ സംഘം മികച്ച ജോലിയാണ് ചെയ്തത്. അവര് അഭിനന്ദനം അര്ഹിക്കുന്നുണ്ട്. മാറിമാറി വന്ന പ്രോസിക്യൂട്ടര്മാരും നല്ല ജോലി ചെയ്തിട്ടുണ്ട്. ഈയൊരു കേസിലൂടെ കേരളത്തിലെ സിനിമാ മേഖലയില് ഒരുപാട് പോസിറ്റീവായ മാറ്റങ്ങള് വന്നു. അന്തിമ വിധി വരുന്നതുവരെ അതിജീവിതയ്ക്കൊപ്പം അന്വേഷണം സംഘം ഉണ്ടാകും.
ഒരുപാട് വെല്ലുവിളികള് വിചാരണവേളയില് നേരിട്ടുണ്ട്. മേല്ക്കോടതിയില് നീതിക്കുവേണ്ടി അന്വേഷണ സംഘവും പ്രോസിക്യൂഷനും പോരാടും’, ബി സന്ധ്യ കൂട്ടിച്ചേര്ത്തു.
