അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.നടൻ മമ്മൂട്ടിക്ക് ഇത്തവണ വോട്ട് ചെയ്യാനാകില്ല. വോട്ടര് പട്ടികയില് പേരില്ലാത്തതിനാല് മമ്മൂട്ടിക്ക് വോട്ട് ചെയ്യാനാവില്ല. സംസ്ഥാനത്തെ ഏഴ് ജില്ലകളില് ഇന്ന് വോട്ടെടുപ്പ് നടക്കവെയാണ് മമ്മൂട്ടിക്ക് ഇത്തവണ വോട്ടില്ല എന്ന വാര്ത്ത പുറത്തുവരുന്നത്.
കൊച്ചി നഗരസഭ 44 ഡിവിഷനിലാണ് താരത്തിന്റെ വീട്. പൊന്നുരുന്നിയിലെ സികെസി എല്പി സ്കൂളിലെ നാലാം ബൂത്തിലായിരുന്നു കഴിഞ്ഞ തവണ വരെ മമ്മൂട്ടി വോട്ട് ചെയ്തിരുന്നത്. തിരക്കുകളെല്ലാം മാറ്റിവച്ച് എല്ലാ തിരഞ്ഞെടുപ്പുകളിലും കൃത്യമായി വോട്ടുചെയ്യാനെത്തിയിരുന്ന താരമായിരുന്നു മമ്മൂട്ടി. മെഗാസ്റ്റാര് വോട്ടുചെയ്യാനെത്തുന്ന ദൃശ്യങ്ങളും ചിത്രങ്ങളും എല്ലാം വാര്ത്തകളില് ഇടംനേടാറുണ്ടായിരുന്നു.
അതേസമയം തദ്ദേശ തെരഞ്ഞെടുപ്പിന്റെ ഒന്നാംഘട്ട വോട്ടെടുപ്പിന് ഇന്ന് തുടക്കമായി. കേന്ദ്രമന്ത്രിയും നടനുമായ സുരേഷ് ഗോപി അതിരാവിലെ തന്നെ വോട്ട് രേഖപ്പെടുത്തി. ശാസ്തമംഗലത്ത് ബൂത്ത് നമ്പര് മൂന്നിലാണ് സുരേഷ് ഗോപി വോട്ട് രേഖപ്പെടുത്തിയത്.
