അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തദ്ദേശ തിരഞ്ഞെടുപ്പ് ഫലപ്രഖ്യാപനത്തിൽ തിരുവനന്തപുരം കോർപ്പറേഷനിൽ മിന്നും വിജയം സ്വന്തമാക്കി കെ.പി.സി.സി. ജനറൽ സെക്രട്ടറിയും കോൺഗ്രസ് നേതാവുമായ കെ.എസ്. ശബരീനാഥൻ. അദ്ദേഹം മത്സരിച്ച കവടിയാർ വാർഡിൽ നിന്നാണ് ഉജ്ജ്വല വിജയം നേടിയത്.
കഴിഞ്ഞ തവണ ഒരു വോട്ടിന് ബിജെപിക്കെതിരെ കോണ്ഗ്രസ് വിജയിച്ച വാര്ഡാണ് കവടിയാര്. ഇത്തവണ ആ ഞാണിന്മേല് കളിയില്ലാത്ത വിജയമാണ് ശബരീനാഥന് നേടിയിരിക്കുന്നത്. തിരുവനന്തപുരം കോര്പറേഷനില് കരുത്തുക്കാട്ടാന് ഉറച്ചാണ് കെ എസ് ശബരീനാഥനെ കോണ്ഗ്രസ് രംഗത്തിറക്കിയത്.
ശബരീനാഥനെ മുന്നില് നിര്ത്തികൊണ്ട് യുവാക്കളെ ആകര്ഷിക്കാനായിരുന്നു കോണ്ഗ്രസ് ശ്രമിച്ചത്. ഈ പ്ലാന് ഫലം കണ്ട് തുടങ്ങുന്നുണ്ടെന്നാണ് ശബരീനാഥന്റെ വിജയം കാണിക്കുന്നത്.
നിലവില് തിരുവനന്തപുരം കോര്പറേഷനില് എന്ഡിഎയാണ് മുന്നിട്ട് നില്ക്കുന്നത്. എല്ഡിഎഫും യുഡിഎഫും തമ്മില് കുറഞ്ഞ സീറ്റുകളുടെ വ്യത്യാസം മാത്രമാണ് നിലവില് ഉള്ളത്. 30 സീറ്റുകളുടെ ഫലം കൂടിയാണ് ഇനി വരാനുള്ളത്.
