അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പോറ്റിയെ കയറ്റിയെ പാട്ടിനെതിരായ പരാതിയിൽ പ്രതികരിച്ച് കെ സി വേണുഗോപാൽ എം പി. പാട്ടിലും വർഗീയത കാണുന്നു. തിരഞ്ഞെടുപ്പ് തോൽവിയുടെ യഥാർത്ഥ കാരണം കണ്ടെത്തണം. തോൽവിയുടെ കാരണം കണ്ടെത്താതെ പാട്ട് എഴുതിയ കുട്ടികളെകൾക്ക് എതിരെ കേസ് എടുക്കാൻ മെനക്കെടുന്നു.
വീണ്ടും വീണ്ടും കുഴിയിലേക്ക് വീഴുന്നു. പാട്ട് കൊണ്ടാണോ തിരഞ്ഞെടുപ്പ് വിജയിക്കുന്നത്. സോണിയ ഗാന്ധി, നരേന്ദ്ര മോദി, പിണറായി വിജയൻ എന്നിവരെ കുറിച്ച് എന്തെല്ലാം പാട്ട് എഴുന്നുവെന്നും കെ സി വേണുഗോപാൽ ചോദിച്ചു.
നാഷ്ണൽ ഹെറാൾഡ് കേസിൽ ഇ.ഡിയുടെ മുഖത്ത് ഏറ്റ കനത്ത പ്രഹരം. പ്രതികാര രാഷ്ട്രീയത്തിൻ്റെ ഭാഗം. ഇ.ഡിയെ നിയമവിരുദ്ധമായി ഉപയോഗിച്ചു. രാഷ്ട്രീയ എതിരാളികളെ ഇല്ലായ്മ ചെയ്യുന്നതിന് വേണ്ടി ആയിരുന്നു ഇത്. വിസി നിയമനത്തിലെ സർക്കാർ ഗവർണർ ധാരണയിൽ ആശ്ചര്യകരം എന്നേ പറയാൻ പറ്റൂ.
സിസ തോമസിനെതിരെ സർക്കാർ സ്പോൺസർ സമരമാണ് എസ്എഫ്ഐ അടക്കമുള്ള സിപിഎം അടക്കമുള്ളവർ നടത്തിയത്. സിസ തോമസിനെതിരെ മുഖ്യമന്ത്രി നേരിട്ടു നയിച്ച പോരാട്ടമായിരുന്നു അന്ന് നടന്നത്. ഉന്നയിച്ച ആരോപണങ്ങളെല്ലാം ഇപ്പോൾ പെട്ടെന്ന് അപ്രതീക്ഷമായോ. പരാതികളൊക്കെ എന്തുകൊണ്ടാ ആവിയായിപ്പോയി എന്നും അദ്ദേഹം വിമർശിച്ചു.
