അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പ്രഭാസ് നായകനാകുന്ന ‘രാജാ സാബ്’എന്ന ചിത്രത്തിലെ ഗാനത്തിന്റെ റിലീസിനെത്തിയ നടി നിധി അഗർവാൾ ആൾക്കൂട്ടത്തിൽ അകപ്പെട്ടത് വലിയ വാർത്തയായിരുന്നു. ആരാധകരുടെ തിക്കിലും തിരക്കിലും പെട്ട് കാറിൽ കയറുന്ന നടിയുടെ വീഡിയോ സോഷ്യൽ മീഡിയയിലെല്ലാം വൈറൽ ആവുകയും ചെയ്തു. ചിലർ നിധിയുടെ വസ്ത്രം പിടിച്ച് വലിക്കുകയും സെൽഫി എടുക്കാനും താരത്തിന്റെ ദേഹത്ത് തൊടാനും ശ്രമിച്ചു. ഇപ്പോഴിതാ സംഭവത്തിൽ പോലീസ് കേസെടുത്തിരിക്കുകയാണ്
ഹൈദരാബാദിലെ ലുലുമാളിൽ വച്ചായിരുന്നു സംഭവം. മാളിലേയും പരിപാടിയുടെ സംഘാടകർക്കുമെതിരെയാണ് കേസ് എടുത്തിരിക്കുന്നത്. മുൻകൂർ അമുമതിയില്ലാതെ പരിപാടി സംഘടിപ്പിച്ചതിനെതിരെയാണ് കേസ് എടുത്തിരിക്കുന്നതെന്ന് ഹൈദരാബാദ് പൊലീസ് പിറ്റിഐയോട് പറഞ്ഞു. സംഭവത്തിൽ രൂക്ഷ വിമർശനവുമായി ഗായിക ചിന്മയി അടക്കമുള്ളവർ നേരത്തെ രംഗത്ത് എത്തിയിരുന്നു. ഒരുകൂട്ടം പുരുഷന്മാർ കഴുതപ്പുലികളെക്കാൾ മോശമായി പെരുമാറുന്നുവെന്നാണ് ചിന്മയി പറഞ്ഞത്.
ബുധനാഴ്ച വൈകുന്നേരം ആയിരുന്നു കേസിന് ആസ്പദമായ സംഭവം നടന്നത്. രാജാ സാബിലെ രണ്ടാം ഗാനത്തിന്റെ റിലീസ് ഈവന്റ് ആയിരുന്നു മാളിൽ നടന്നത്. അഭിനേതാക്കളെ കാണാനായി വലിയ ജനക്കൂട്ടം തന്നെ ഇവിടെ തടിച്ചുകൂടി. പരിപാടി കഴിഞ്ഞ് പുറത്തേക്കിറങ്ങിയ നിധി അഗർവാളിനെ എല്ലാവരും കൂടി പൊതിയുകയായിരുന്നു. പലരും സെൽഫി എടുക്കാനും അവരുടെ അനുവാദം ഇല്ലാതെ ദേഹത്ത് തൊടാനും ശ്രമിച്ചു. ഇതെല്ലാം ചെറുത്ത് തോൽപ്പിച്ച് ബൗൺസർന്മാർ അവരെ കാറിലേക്ക് കയറ്റുകയും ചെയ്തിരുന്നു. വിഷയത്തിൽ എങ്ങും വിമർശനം വരുന്നുണ്ടെങ്കിൽ നിധി അഗർവാൾ ഇതുവരെ പ്രതികരിച്ചിട്ടില്ല.
