അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പാലക്കാട്: പാലക്കാട് നഗരസഭയിൽ ബിജെപിയിൽ കലഹം. ചെയർമാൻ സ്ഥാനത്തെ ചൊല്ലി ആണ് തർക്കം. നാല് പേരുകൾ വിവിധ നേതാക്കൾ ഉയർത്തിക്കാട്ടുന്നുണ്ട്. ബിജെപിയുടെ സംസ്ഥാന കമ്മിറ്റി അംഗവും മുൻ നഗരസഭ ചെയർപേഴ്സണുമായ പ്രമീള ശശിധരൻ, സ്മിതേഷിനെ ചെയർമാനാക്കണമെന്ന ആവശ്യവുമായി രംഗത്തെത്തി.
കേവല ഭൂരിപക്ഷമില്ലെങ്കിലും ബിജെപി തന്നെ പാലക്കാട് നഗരസഭയിൽ അധികാരത്തിൽ വരുമെന്ന് ഉറപ്പായി .എൽഡിഎഫ് – യുഡിഎഫ് സഹകരണം ഉണ്ടാകാൻ ഇടയില്ല . ഭരണം ഉറപ്പായതോടെ നഗരസഭ അധ്യക്ഷ സ്ഥാനത്തിനായി കടുത്ത തർക്കമാണ് നടക്കുന്നത് . പി. സ്മിതേഷാണ് ചെയർമാൻ സ്ഥാനത്തിന് യോഗ്യൻ എന്ന് പറഞ്ഞ് ബി. ജെ. പി സംസ്ഥാന കമ്മറ്റി അംഗവും , നഗരസഭ ചെയർപേഴ്സണുമായ പ്രമീള ശശിധരൻ മാധ്യമ വാർത്തക്ക് താഴെ കമൻ്റിട്ടു . നേതൃത്വം ഇടപെട്ട് ഡിലിറ്റ് ചെയ്യിപ്പിച്ചു.
ബിജെപി സംസ്ഥാന ട്രഷറും നഗരസഭ വൈസ് ചെയർമാനുമായ ഇ. കൃഷ്ണദാസിനായി ഒരു വിഭാഗം രംഗത്തുണ്ട്. സുനിൽ , ശശികുമാർ എന്നിവർക്ക് വേണ്ടി വാദിക്കുന്നവരും ഉണ്ട്. സംസ്ഥാന പ്രസിഡൻ്റാണ് ചെയർമാൻ്റെ കാര്യത്തിൽ തീരുമാനം എടുക്കുക എന്നാണ് ബിജെപി നേതൃത്വം പറയുന്നത്. വൈസ് ചെയർപേഴ്സൺ സ്ഥാനത്തിനായും തർക്കമുണ്ട്. ബേബി , മിനി കൃഷ്ണകുമാർ എന്നിവരുടെ പേരുകളാണ് പ്രധാനമായും പരിഗണിക്കുന്നത്.
