അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തിരുവനന്തപുരം: തിരുവനന്തപുരം കോര്പ്പറേഷന് മേയര് തെരഞ്ഞെടുപ്പില് മത്സരിക്കാന് കോണ്ഗ്രസ് തീരുമാനിച്ചു. മുന് എംഎല്എ കെ എസ് ശബരീനാഥനെ പാര്ലമെന്ററി പാര്ട്ടി നേതാവായി തെരഞ്ഞെടുത്തു. ശബരിനാഥനാണ് കോണ്ഗ്രസിന്റെ മേയര് സ്ഥാനാര്ത്ഥി. കവടിയാര് വാര്ഡില് നിന്നാണ് ശബരിനാഥന് നഗരസഭയിലേക്ക് തെരഞ്ഞെടുക്കപ്പെട്ടത്.
ഡെപ്യൂട്ടി മേയര് സ്ഥാനത്തേക്ക് കോണ്ഗ്രസിലെ മേരി പുഷ്പവും മത്സരിക്കും. കുന്നുകുഴി ഡിവിഷനില് നിന്നുള്ള കൗണ്സിലറാണ്. എകെജി സെന്റര് സ്ഥിതി ചെയ്യുന്ന വാര്ഡില് മുന് കൗണ്സിലര് സിപിഎമ്മിലെ ഐ പി ബിനുവിനെ പരാജയപ്പെടുത്തിയാണ് മേരി പുഷ്പം നഗരസഭയിലെത്തിയത്. കഴിഞ്ഞ തദ്ദേശ തെരഞ്ഞെടുപ്പിലും മേരി പുഷ്പമാണ് വിജയിച്ചിരുന്നത്.
