അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കേരള ഹിന്ദി സാഹിത്യ അക്കാദമിയുടെ 45-ാം വർഷികഘോഷവും, ഡോ. എൻ. ചന്ദ്രശേഖരൻ നായർ ഹിന്ദീ ഗവേഷണ പുരസ്ക്കാര (2025) വിതരണവും ദിവംഗതനായ പത്മശ്രീ ഡോ. എൻ. ചന്ദ്രശേഖരൻ നായർ 103-ാം ജന്മദിനാചരണവും തിരുവനന്തപുരം സ്റ്റാച്യുവിലുള്ള വൈ.എം.സി.എ. ലൈബ്രറി ഹാളിൽ വച്ച് 2025 ഡിസംബർ 28ന് നടന്നു. പ്രസ്തുത ചടങ്ങ് ബഹു. മുൻ വിദേശകാര്യ പാർലമെന്ററികാര്യ സഹമന്ത്രി ശ്രീ. വി. മുരളീധരൻ ഉദ്ഘാടനം ചെയ്തു. അക്കാദമിയുടെ ശോധ് പത്രിക എഡിറ്റർ ഡോ. സി. ജെ. പ്രസന്നകുമാരിയ്ക്ക് നൽകി അദ്ദേഹം പ്രകാശനകർമ്മവും നിർവ്വഹിച്ചു. അക്കാദമി ജനറൽ സെക്രട്ടറി ഡോ. എസ്. സുനന്ദ സ്വാഗതം ആശംസിച്ചു. അക്കാദമിയുടെ രക്ഷാധികാരിയും കേരള ഹൈക്കോടതി മുൻ ജഡ്ജിയുമായ ജസ്റ്റിസ് ശ്രീ. എം. ആർ. ഹരിഹരൻ നായർ പ്രഭാഷണം നടത്തി. കൊല്ലം എസ്.എൻ.കോളേജ് ഹിന്ദി വിഭാഗം മുൻ അദ്ധ്യക്ഷയും അക്കാദമിയുടെ എക്സിക്യൂട്ടിവ് കമ്മിറ്റി മെമ്പറുമായ ഡോ. എസ്. ലീലാകുമാരി അമ്മ റിപ്പോർട്ട് അവതരിപ്പിക്കുകയും ചെയ്തു.
അക്കാദമിയുടെ അദ്ധ്യക്ഷയും കേരള യൂണിവേഴ്സിറ്റി ഹിന്ദി വിഭാഗം മുൻ അദ്ധ്യക്ഷയുമായ പ്രൊഫ. ഡോ. എസ്. തങ്കമണി അമ്മ അദ്ധ്യക്ഷത വഹിച്ച ചടങ്ങിൽ മികച്ച ഹിന്ദി ഗവേഷണ പ്രബന്ധത്തിനുള്ള 50,000 രൂപയും സ്തുതി ഫലകവും സർട്ടിഫിക്കറ്റും അടങ്ങുന്ന ഡോ. എൻ. ചന്ദ്രശേഖരൻ നായർ ഹിന്ദീ ഗവേഷണ പുരസ്കാരം-2025 കേരള സർവ്വകലാശാലയിൽ നിന്നും ഹിന്ദീ സാഹിത്യത്തിൽ ഡോക്ടറേറ്റ് നേടിയ ഡോ. ആതിരാ ബാബുവിന് ശ്രീ. വി. മുരളിധരൻ സമ്മാനിച്ചു. കേരളത്തിൽ ഹിന്ദീ സാഹിത്യത്തിന്റെ ഉന്നമനത്തിനു വേണ്ടിയാണ് ഡോ. എൻ. ചന്ദ്രശേഖരൻ നായർ ഈ അവാർഡ് ഏർപ്പെടുത്തിയിട്ടുള്ളത്. വർഷംതോറും നൽകിവരുന്ന കേരളത്തിൽ ഉന്നതമായ ഹിന്ദി ഗവേഷണ പുരസ്കാരമാണിത്. 2018 മുതൽ ഈ പുരസ്കാരം നൽകി വരുന്നു. ഡോ. എം. എസ്. വിനയചന്ദ്രൻ പുരസ്കാര പ്രഖ്യാപനം നടത്തി.
ചടങ്ങിൽ കേരള ഹിന്ദീ സാഹിത്യ അക്കാദമി ഹിന്ദീ വാരാഘോഷ മത്സരത്തിലെ വിജയികൾക്കുള്ള സമ്മാന വിതരണം നടത്തുകയും ചെയ്തു. ഡോ. ആതിരാ ബാബു പുരസ്ക്കാരം സ്വീകരിച്ചു മറുപടി പ്രസംഗം നടത്തി. സ്വാമി അശ്വതി തിരുനാൾ, ഡോ. കെ. സി. അജയകുമാർ, ഡോ. അനീഷ് സിറിയക്, ഡോ. ഗായത്രി എൻ., ശ്രീമതി. നീരജ രാജേന്ദ്രൻ, ശ്രീമതി. ഗീതാ കുമാരി പി.ഒ., രഞ്ജിത് രഘുനന്ദൻ എന്നിവർ പ്രസംഗിക്കുകയും പൗണ്ടി ഡോ. എൻ. ചന്ദ്രശേഖരൻ നായർടെ 103-ാം ജന്മദിന ചടങ്ങിൽ അദ്ധ്യക്ഷനായിരുന്നു. കേരള ഹിന്ദീ സാഹിത്യ അക്കാദമി ഉപാദ്ധ്യക്ഷ പ്രൊഫ. (ഡോ) ശ്രീമതി കെ. കുശതരെ രേഖപ്പെടുത്തി.
