അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ബംഗലൂരു: കര്ണാടകയിലെ ബെല്ലാരിയില് സംഘര്ഷത്തില് ഒരാള് കൊല്ലപ്പെട്ടു. വാല്മീകി പ്രതിമ അനാച്ഛാദന പരിപാടിക്ക് മുന്നോടിയായി കോണ്ഗ്രസ് പ്രവര്ത്തകര് ബാനര് സ്ഥാപിക്കാന് ശ്രമിച്ചതാണ് സംഘര്ഷത്തില് കലാശിച്ചത്. കല്യാണ രാജ്യ പ്രഗതി പക്ഷ (കെആര്പിപി) എംഎല്എ ജനാര്ദന റെഡ്ഡിയുടെയും കോണ്ഗ്രസ് എംഎല്എ ഭരത് റെഡ്ഡിയുടെയും അനുയായികളാണ് ഏറ്റുമുട്ടിയത്.
ഭരത് റെഡ്ഡിയുടെ അനുയായികള് ജനാര്ദന റെഡ്ഡിയുടെ വീടിന് മുന്നില് ബാനറുകള് കെട്ടാന് ശ്രമിച്ചു. എന്നാല് ജനാര്ദന റെഡ്ഡിയുടെ അനുയായികള് ഇതിനെ എതിര്ത്ത് രംഗത്തുവന്നു. തുടര്ന്ന് ഇരുവിഭാഗങ്ങളും തമ്മില് രൂക്ഷമായ തര്ക്കത്തിലേക്കും കല്ലേറിലേക്കും നയിച്ചു. ഇതോടെയാണ് സംഘര്ഷം പൊട്ടിപ്പുറപ്പെട്ടത്.
