അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.രാഹുല് മാങ്കൂട്ടത്തിലിന്റെ സീരിയല് പീഡന വിഷയത്തില് കേരളത്തിലെ മൂന്നണികളും പാര്ട്ടികളും സ്ത്രീകളെ ബഹുമാനിക്കാന് പഠിപ്പിക്കുകയാണ് വേണ്ടതെന്ന് സ്പീക്കര് എ.എന്. ഷംസീര്. സ്ത്രീകളെ ബഹുമാനിക്കാന് പഠിപ്പിക്കുന്ന സമൂഹത്തിനു മാത്രമേ മുന്നോട്ടു പോകാന് സാധിക്കൂ. നിര്ഭാഗ്യവശാല് അത്തരം ചില തെറ്റായ ശീലങ്ങള് ചില സാമാജികരുടെ ഭാഗത്തു നിന്നുണ്ടായി. അത് ഒരു കാരണവശാലും പ്രോത്സാഹിപ്പിക്കപ്പെടേണ്ടതല്ലെന്നും സ്പീക്കര് പറഞ്ഞു. നിയമസഭാ സമ്മേളം വിളിച്ചു ചേര്ക്കുന്നതുമായി ബന്ധപ്പെട്ട വാര്ത്താ സമ്മേളനത്തില് മാധ്യമ പ്രവര്ത്തകരുടെ ചോദ്യത്തിനു മറുപടി പറയുകയായിരുന്നു ഷംസീര്.
എന്നാല്, ഇത്തരം തെറ്റായ പ്രവണതകള് ആകെ സഭയുടെ സ്വഭാവമാണെന്ന് പറയരുത്. അത് കേരളത്തിന്റെ ആകെ സംസ്ക്കാരമാണെന്നും പറയരുത്. ഒരു കുട്ടയിലെ മാങ്ങ കെട്ടതാണെങ്കില്, അതിലെ ബാക്കി മാങ്ങകളെല്ലാം കെട്ടതാണെന്നു പറയാനാകില്ല. ശ്രദ്ധിക്കേണ്ട കാര്യമാണത്. മാധ്യ പ്രവര്ത്തകരിലു ചിലര് ചിലതെറ്റായ കാര്യങ്ങള് ചെയ്തിട്ടില്ലേ. അതിനര്ത്ഥം എല്ലാ മാധ്യമപ്രവര്ത്തകരും മോശമാണെന്നാണോ. അല്ല. അപ്പോള് അത് സാമാന്യ വത്ക്കരിച്ച് പരാമശം നടത്തരുത്. ഇവിടുത്തെ സാമാജികരെല്ലാം മോശമാണെന്ന അഭിപ്രായം സ്പീക്കര്ക്കും ഇല്ല കേരളത്തിനും ഇല്ല. ചില ഒറ്റപ്പെട്ട ആള്ക്കാരുടെ പെരുമാറ്റം, ഒരു സഭയെയും സാമാജികരെയും മോശക്കാരായി ചിത്രീകരിക്കാന് വേണ്ടി ശ്രമിക്കാന് ഉപയോഗിക്കരുതെന്നും ഷംസീര് പറഞ്ഞു.
ഈ വിഷയത്തില് അവരവരുടെ പാര്ട്ടി ചെയ്യേണ്ട കാര്യങ്ങളാണ്. സ്പീക്കര്ക്ക് എന്തു ചെയ്യാനാകും. ഇത്തരം കാര്യങ്ങള് ഓരോരുത്തരും ശ്രദ്ധിക്കേണ്ടതാണ്. ഇത്തരം ആള്ക്കാരെ സമൂഹം തള്ളിക്കളയണം. ഈ പോസ്റ്റില് ഇരിക്കുന്നവര് കാണിക്കേണ്ട മാന്യതയും മര്യാതയുമുണ്ട്. ജനങ്ങള് പ്രതീക്ഷിക്കുന്നുണ്ട്. അത് കാത്തു സൂക്ഷിക്കേണ്ടത് അവരവരാണ്. അത് സഭയ്ക്ക് എങ്ങനെയാണ് കളങ്കം ഉണ്ടാക്കുന്നത്. നിരവധി സ്വകാര്യ പരാതികള് വരുന്നുണ്ട് നിയമസഭയുടെ മെയിലുകളില് രാഹുല് മാങ്കൂട്ടത്തിലിനെ പുറത്താക്കണംം എന്നുപറഞ്ഞ്. അതില് സ്പീക്കര്ക്ക് ഇടപെടണമെങ്കില് സഭയ്ക്കകത്തുള്ള സാമാജികര് ആരെങ്കിലും പരാതി നല്കണം. എങ്കിലേ നിയമപരമായി നീങ്ങാന് സാധിക്കൂ. എത്തിക്സ് കമ്മിറ്റി പരിശോധിച്ച് സഭയില് വരുമ്പോള് തീരുമാനം എടുക്കേണ്ട കാര്യമാണ്.
എം.എല്.എമാരുടെ പരാതികള് മാത്രമേ പരിഗണിക്കാനാവൂ. വിവാദമായ വിഷയമായതു കൊണ്ട് വളരെ സൂക്ഷിച്ചു മാത്രം എടുക്കേണ്ട വിഷയം കൂടിയാണ്. അതുകൊണ്ട് പരാതി വരുമ്പോള് അത് എത്തിക്സ് കമ്മിറ്റി പരിശോധിച്ച് സഭയില് വരുമ്പോള് തീരുമാനം എടുക്കാം. വാര്ത്താ സമ്മേളനത്തില് അത് പറയാനാകില്ല. സൂക്ഷിച്ച് തീരുമാനമെടുക്കണം. ഇങ്ങനെയുള്ള മുന്കാല അനുഭവം ഉണ്ടായിട്ടില്ല. അങ്ങനെയെങ്കില് പരിശോധിക്കാമായിരുന്നു. നിയമസഭയില് ആര്ക്കെതിരേയും പരാതി ഉന്നയിക്കാം. അവിടെ വ്യക്തികള് അല്ലല്ലോ അവിടൈന്നും സ്പീക്കര് പറഞ്ഞു.
CONTENT HIGH LIGHTS; Speaker A.N. Shamseer says women should be taught to respect: He also admitted that there were wrong tendencies against women on the part of the Samajwadi Party; Action will be taken if MLAs file complaints
