അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.രണ്ടാം പിണറായി വിജയന് സര്ക്കാരിന്റെ അവസാനത്തെ ബജറ്റ് ഈ മാസം 29ന് ധനകാര്യ മന്ത്രി കെ.എന്. ബാലഗോപാല് അവതരിപ്പിക്കും. ജനുവരി 20ന് ആരംഭിക്കുന്ന പതിനഞ്ചാം കേരള നിയമസഭയുടെ പതിനാറാമതു സമ്മേളനത്തിലാണ് ബജറ്റ് അവതരകണം. ഗവര്ണറുടെ നയപ്രഖ്യാപനത്തോടെ ആരംഭിക്കുന്ന സമ്മേളനത്തില് അവതരിപ്പിക്കുന്ന 2026-27 സാമ്പത്തിക വര്ഷത്തെ ബജറ്റ് സഭയില് ചര്ച്ച ചെയ്തു പാസ്സാക്കും. ജനുവരി 20 ന് തുടങ്ങുന്ന സഭാ സമ്മേളനം മാര്ച്ച് 26 വരെയുണ്ടാകും. ആകെ 32 ദിവസം സഭ ചേരും. ജനുവരി 22, 27, 28 തീയതികള് ഗവര്ണറുടെ നയപ്രഖ്യാപന പ്രസംഗത്തിന് നന്ദി രേഖപ്പെടുത്തുന്ന പ്രമേയത്തിന്മേലുള്ള ചര്ച്ചയും 29ന് ബജറ്റ് അവതരണവും ഫെബ്രുവരി 2, 3, 4 തീയതികളില് ബജറ്റിന്മേലുള്ള പൊതു ചര്ച്ചയും നടക്കുമെന്ന് സ്പീക്കര് എ.എന് ഷംസീര് അറിയിച്ചു.
ഫെബ്രുവരി 24 മുതല് മാര്ച്ച് 19 വരെയുള്ള കാലയളവില് 13 ദിവസം 2026-27 വര്ഷത്തെ ധനാഭ്യര്ത്ഥനകള് സഭ വിശദമായി ചര്ച്ച ചെയ്തു പാസ്സാക്കും. 2025-26 വര്ഷത്തെ അന്തിമ ഉപധനാഭ്യര്ത്ഥനകളെ സംബന്ധിക്കുന്നതും 2026-27 വര്ഷത്തെ ബജറ്റിനെ സംബന്ധിക്കുന്നതുമായ രണ്ടു ധനവിനിയോഗ ബില്ലുകള് ഈ സമ്മേളനത്തില് പാസ്സാകണം. സമ്മേളന കാലയളവില് ജനുവരി 23 ഫെബ്രുവരി 27, മാര്ച്ച് 13 എന്നീ ദിവസങ്ങള് അനൗദ്യോഗികാംഗങ്ങളുടെ കാര്യങ്ങള്ക്കായി വിനിയോഗിക്കും. നിശ്ചയിച്ചിട്ടുള്ള നടപടികള് എല്ലാം പൂര്ത്തീകരിച്ചു 2026മാര്ച്ച് 26ന് സഭ പിരിയും.
പതിനഞ്ചാം കേരള നിയമസഭയുടെ ഇതുവരെയുള്ള 15 സെഷനുകളില് ആകെ 182 ദിവസം സഭ ചേരുകയും 158 ബില്ലുകള് പാസ്സാക്കുകയും ചെയ്തിട്ടുണ്ട്.
അതില് 14 ബില്ലുകള് ഗവര്ണറുടെ പരിഗണനയിലാണ്. വിജ്ഞാപനം ചെയ്ത ആകെ 4 ബില്ലുകള് സഭ പരിഗണിക്കാനുണ്ട്. ഗവര്ണര് ഒപ്പു വെക്കേണ്ട ബില്ലുകള് പെന്റിംഗ് ആയത് എന്തുകൊണ്ടാണെന്ന് ഗവര്ണറോടും ചോദിക്കണം. സ്പീക്കറെ കാണുന്നതു പോലെ തന്നെ ഗവര്ണറെയും കാണുന്നുണ്ടല്ലോ മാധ്യമങ്ങള്. എന്തു കൊണ്ടാണ് കേരളത്തിലെ ജനങ്ങളുടെ ആവശ്യത്തിന് സഭ പാസാക്കിയ ബില്ലുകള് ഗവര്ണര് ഒപ്പിടുന്നില്ല എന്ന് ചോദിക്കണമെന്നും സ്പീക്കര് ചോദിച്ചു.
CONTENT HIGH LIGHTS; The last budget of the second Pinarayi Vijayan government on the 29th: 14 bills not signed by the Governor, 4 bills not passed by the House; Assembly session to begin on the 20th
