അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ശബരിമല സ്വർണക്കൊള്ളയിൽ പ്രതികളെ രക്ഷിക്കാനുള്ള ശ്രമമാണ് എസ്ഐടി നടത്തുന്നതെന്ന് കെ. മുരളീധരൻ പറഞ്ഞു. ജയിലിൽ കിടക്കുന്നവർക്ക് ജാമ്യം ലഭിക്കാൻ അവസരമൊരുക്കുകയാണ്. ഉണ്ണി കൃഷ്ണൻ പോറ്റിക്ക് ജാമ്യം കിട്ടാൻ സാഹചര്യമൊരുക്കുന്നു. എസ്ഐടിയുടെ അന്വേഷണത്തിൽ സംശയമുണ്ട്. കോടതി മേൽനോട്ടത്തിൽ കേന്ദ്ര ഏജൻസി അന്വേഷിക്കണമെന്നും മുരളീധരൻ ആവശ്യപ്പെട്ടു. എല്ലാം തന്ത്രിയുടെ തലയില് കെട്ടിവയ്ക്കാനാണ് എസ്ഐടിയുടെ ശ്രമം.
ഇന്നലെ വരെ ഞങ്ങള് എസ്ഐടിയെ കുറിച്ച് ഒന്നും പറഞ്ഞിരുന്നില്ല. പക്ഷേ, ഉണ്ണികൃഷ്ണന് പോറ്റിക്ക്, ജയിലില് കിടക്കുന്നവര്ക്ക് ജാമ്യം കിട്ടാന് വേണ്ടിയുള്ള ശ്രമം. എസ്ഐടിയുടെ മേലെ സര്ക്കാര് സംവിധാനം സമ്മര്ദം ചെലുത്തുന്നുവെന്ന സംശയമുണ്ട്. അത് കടകംപള്ളിയെ ഉള്പ്പടെ രക്ഷിക്കാനുള്ള ശ്രമത്തിന്റെ ഭാഗമാണോ എന്ന് സംശയമുണ്ട്. അതുകൊണ്ടുതന്നെ എല്ലാം തന്ത്രി, തന്ത്രിയെന്തോ ഒരു കൊലപാതകം ചെയ്ത വ്യക്തിയാണ് എന്ന് വരുത്തിത്തീര്ത്ത് ഇപ്പോഴത്തെ മന്ത്രിയേയും മുന് മന്ത്രിമാരേയും രക്ഷിക്കാന് നടത്തുന്ന ശ്രമങ്ങളെ ഞങ്ങള് തുറന്ന് എതിര്ക്കുക തന്നെ ചെയ്യും – അദ്ദേഹം പറഞ്ഞു.
