അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മലയാളത്തിലും തമിഴിലും നിരവധി വേഷങ്ങൾ ചെയ്ത നടനാണ് കിഷോർ. ഇപ്പോഴിതാ താരത്തിന്റെ പുതിയ ചിത്രമായ ‘മെല്ലിസൈ’യുടെ ഭാഗമായി ഇന്ത്യാഗ്ലിറ്റ്സ് തമിഴിന് നൽകിയ അഭിമുഖത്തിൽ നടൻ പറഞ്ഞ വാക്കുകളാണ് ശ്രദ്ധ നേടുന്നത്. ലൈഫില് പിന്നിലേക്ക് പോയി എന്തെങ്കിലും മാറ്റാന് അവസരം ലഭിച്ചാല് എന്തുചെയ്യും എന്നതായിരുന്നു കിഷോറിനോടുള്ള ചോദ്യം. ഇതിന് മറുപടിയായി
കിഷോർ പറഞ്ഞ വാക്കുകളാണ് സോഷ്യൽ മീഡിയയിൽ ശ്രദ്ധ നേടുന്നത്.
‘നേരെ 2014ലേക്ക് പോയി നമ്മുടെ പ്രധാനമന്ത്രിയെ മാറ്റും. അതാണ് എന്റെ ആദ്യത്തെ ലക്ഷ്യം. ഞാന് ഈ പറഞ്ഞത് നിങ്ങള് കട്ട് ചെയ്യാതെ കൊടുക്കുമോ എന്നറിയില്ല, എന്നാലും പറയുകയാണ്. പ്രധാനമന്ത്രിയെ ആ സ്ഥാനത്ത് നിന്ന് മാറ്റും. ഇന്ത്യ ഇപ്പോള് കാണുന്നതിനെക്കാള് മാറിയിട്ടുണ്ടാകും. ഇന്ന് നമ്മള് കാണുന്ന വിദ്വേഷത്തിന്റെ അളവ് വളരെ വലുതാണ്. അത് വലിയ അപകടത്തിലേക്ക് പോകുന്നത്. ഇങ്ങനെ മുന്നോട്ടുപോവുകയാണെങ്കില് ഈ അവസ്ഥ മാറ്റിയെടുക്കാന് പതിറ്റാണ്ടുകള് വേണ്ടിവരും.’- അദ്ദേഹം പറഞ്ഞു.
‘ഞങ്ങള് ഇപ്പോള് ചെയ്ത മെല്ലിസൈ എന്ന ഈ സിനിമ പറയുന്നത് സ്നേഹത്തെക്കുറിച്ചാണ്. മനുഷ്യര് തമ്മിലുള്ള സ്നേഹം എല്ലാകാലത്തും ആവശ്യമാണെന്ന് ഈ സിനിമയിലൂടെ പറയുകയാണ്. അവിടെയാണ് ഒരു മനുഷ്യല് വെറുപ്പിനെ ഇന്വെസ്റ്റ്മെന്റാക്കിക്കൊണ്ട് അധികാരത്തില് വന്നിരിക്കുന്നത്. അത് മനുഷ്യര്ക്ക് വലിയ ആപത്താണ് ഉണ്ടാക്കിവെക്കുന്നത്. ആ വെറുപ്പ് ഒരു പ്രത്യേക വര്ഗത്തിന് നേരെയായാലും ഒരു നാടിന് നേരെയായാലും അപകടകരമാണെന്നേ പറയാനുള്ളൂ,’- കിഷോര് പറയുന്നു.
