അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ചൂരക്കറി ഇഷ്ടപ്പെടാത്തതിനാല് മുഖ്യമന്ത്രി പിണറായി വിജയന് ഭക്ഷണം കഴിക്കാതെ ഇറങ്ങിപ്പോയെന്ന വിവാദ പരാമർശം നടത്തിയ മുതിര്ന്ന സിപിഐ നേതാവ് സി.ദിവാകരനെ രൂക്ഷമായി വിമര്ശിച്ച് സിപിഐ മന്ത്രി ജി.ആര്.അനില്. ഒരു രാഷ്ട്രീയ നേതാവ് ഒരിക്കലും പറയാനോ ചിന്തിക്കാനോ പോലും പാടില്ലാത്ത കാര്യമാണ് സി.ദിവാകരന്റെ ഭാഗത്തുനിന്നും ഉണ്ടായതെന്നു ജി.ആര്.അനില് പറഞ്ഞു.
കൂടാതെ കാരണവന്മാര്ക്ക് പ്രായമേറുന്ന സമയത്തുണ്ടാകുന്ന ചില സ്വാഭാവരീതികൾ ആണിതൊക്കെ എന്നും അദ്ദേഹം വിമർശിച്ചു. കൂടാതെ മുതിര്ന്ന നേതാവ് എന്ന പേര് ചാര്ത്തുമ്പോള് അതിനനുസരിച്ചുള്ള പ്രതികരണവും പ്രവൃത്തിയുമാണ് അവരില്നിന്ന് ഉണ്ടാകേണ്ടത്. അതില്ലാത്ത ആളുകള്ക്ക് ആ വാക്കിന്റെ അര്ഥത്തിന് അനുസരിച്ചുള്ള പ്രാധാന്യം പാര്ട്ടിയും ജനങ്ങളും നല്കുന്നുണ്ടോ എന്നു നോക്കണമെന്നും അനില് പറഞ്ഞു.
മുഖ്യമന്ത്രി പിണറായി വിജയന് പാര്ട്ടി സെക്രട്ടറി ആയിരുന്ന സമയത്തു മുതിര്ന്ന നേതാവ് ആനത്തലവട്ടം ആനന്ദന്റെ വീട്ടില് ഊണു കഴിക്കാന് പോയെന്നും ചൂരക്കറി ഇഷ്ടപ്പെടാത്തതിനാല് ഭക്ഷണം കഴിക്കാതെ ഇറങ്ങിപ്പോയെന്നും ആയിരുന്നു സി.ദിവാകരന്റെ പ്രസ്താവന. ഇതു സമൂഹമാധ്യമങ്ങളില് വലിയ ചര്ച്ചയായതോടെ ആനത്തലവട്ടം ആനന്ദന്റെ മകനും സിപിഎം നേതാക്കളും ഉള്പ്പെടെ നിഷേധിച്ചിരുന്നു.
