അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.യാത്രക്കാരുടെ സുരക്ഷയില് ഗുരുതരമായ അനാസ്ഥ കാട്ടി വിമാന സര്വീസ് നടത്തിയ എയര് ഇന്ത്യയ്ക്ക് പിഴയിട്ട് ഡയറക്ടറേറ്റ് ജനറല് ഓഫ് സിവില് ഏവിയേഷന് (ഡിജിസിഎ). സര്വീസ് നടത്തുന്നതിന് മതിയായ അനുമതിയില്ലാതെ എയര് ഇന്ത്യയുടെ എയര്ബസ് വിമാനം എട്ടുതവണ സര്വീസ് നടത്തിയെന്നാണ് കണ്ടെത്തല്. സംഭവത്തില് ഡിജിസിഎ എയര് ഇന്ത്യയ്ക്ക് ഒരു കോടി രൂപ പിഴ ചുമത്തി.വിമാനത്തിന്റെ അറ്റകുറ്റപ്പണി രേഖകള്, മറ്റ് യോഗ്യത മാനദണ്ഡങ്ങള് എന്നിവ പാലിക്കുന്നു എന്ന് വ്യക്തമാക്കുന്ന പ്രതിവര്ഷ പരിശോധന റിപ്പോര്ട്ട് ആണ് എയര്വോര്ത്തിനസ്സ് റിവ്യൂ സര്ട്ടിഫിക്കറ്റ്.
എയര്വോര്ത്തിനസ്സ് റിവ്യൂ സര്ട്ടിഫിക്കറ്റ് ഇല്ലാതെ കഴിഞ്ഞ വര്ഷം നവംബര് 24നും 25നും ഇടയില് ഡല്ഹി, ബംഗളൂരു, മുംബൈ, ഹൈദരാബാദ് എന്നീ നഗരങ്ങള്ക്കിടയിലായിരുന്നു സര്വീസ്. എയര് ഇന്ത്യയുമായി ലയിക്കുന്നതിന് മുന്പ് വിസ്താരയുടെ പക്കല് ഉണ്ടായിരുന്നതാണ് മാനദണ്ഡങ്ങള് ലംഘിച്ച് സര്വീസ് നടത്തിയ എയര്ബസ് എ320 വിമാനം. ഫെബ്രുവരി 5 നാണ് ഡിജിസിഎ എയര് ഇന്ത്യയ്ക്ക് പിഴ ചുമത്തി ഉത്തരവിറക്കിയത്. വെള്ളിയാഴ്ചയാണ് ഇത് പുറത്തുവന്നത്. 30 ദിവസത്തിനുള്ള പിഴയൊടുക്കണം എന്നാണ് നിര്ദേശം. നിയമലംഘനത്തിന് സാധ്യമായ ഏറ്റവും ഉയര്ന്ന പിഴയാണ് ചുമത്തിയിട്ടുള്ളതെന്ന് ഡിജിസിഎ അറിയിച്ചു.
STORY HIGHLIGHT : air-india-fined-rs-1-crore-for-flying-plane-eight-times-with-expired-airworthiness-certificate
