അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പ്രണയദിനത്തിൽ ജീവിതത്തിലെ സന്തോഷവാർത്ത ആരാധകരോട് പങ്കുവെച്ച് സീരിയൽ താരവും നടി മൃദുല വിജയ്യുടെ സഹോദരിയുമായ പാർവതി വിജയ്. വിവാഹനിശ്ചയം കഴിഞ്ഞു എന്ന സന്തോഷവാർത്ത ഇൻസ്റ്റഗ്രാമിലൂടെയാണ് പാർവതി പങ്കുവെച്ചിരിക്കുന്നത്. തന്നെയും മകളേയും സ്നേഹിക്കാൻ മനസുള്ള ഒരാളെ പങ്കാളിയായി കണ്ടെത്തിയ സന്തോഷത്തിലാണ് താരം.
പാർവതിയുടെ പോസ്റ്റിന്റെ പൂർണ രൂപം:
‘‘വിവാഹനിശ്ചയം കഴിഞ്ഞു… ഞങ്ങളുടെ രണ്ടാം ജീവിതം കുടുംബത്തിന്റെ അനുഗ്രഹത്തോടെ ആരംഭിക്കുന്നു. ഒരു സിംഗിൾ പേരന്റ് എന്ന നിലയിൽ വീണ്ടും ഒരാളെ വിവാഹം കഴിക്കുന്നത് വളരെ ബുദ്ധിമുട്ടാണ്. പക്ഷേ യാമിയും ഞാനും ഞങ്ങളെ പരിപാലിക്കുന്ന സ്നേഹിക്കാൻ മനസുള്ള ഒരു മനോഹരമായ ആത്മാവിനെ കണ്ടെത്തി.
ദൈവത്തിനും എന്റെ കുടുംബത്തിനും ഞങ്ങളോടൊപ്പം നിന്ന എന്റെ സുഹൃത്തുക്കൾക്കും നന്ദി. എല്ലാ മാധ്യമങ്ങളും ദയവായി എന്റെ സ്വകാര്യ ഇടത്തിൽ ഇടപെടുന്നത് നിർത്തണമെന്ന് ഞാൻ അഭ്യർഥിക്കുന്നു. ഇതാണ് എന്റെ ജീവിതം… എന്റെ കഥ. ശരിയായ സമയത്ത് അദ്ദേഹത്തെ നിങ്ങൾക്ക് ഞാൻ പരിചയപ്പെടുത്തും.’’
സീരിയൽ ക്യാമറാമാൻ അരുൺ അജയിയെയാണ് താരം ആദ്യം വിവാഹം ചെയ്തത്. ഇരുവരുടേയും പ്രണയ വിവാഹമായിരുന്നു. കുടുംബത്തിന്റെ സമ്മതം ഇല്ലാതിരുന്നതുകൊണ്ട് തന്നെ ഒളിച്ചോടി വിവാഹിതരാവുകയായിരുന്നു. വിവാഹം കഴിഞ്ഞതോടെ സീരിയൽ അഭിനയം അവസാനിപ്പിച്ചു. ശേഷം ഇരുവരുടേയും ജീവിതത്തിലേക്ക് മകൾ യാമിക എത്തി. മകൾക്കൊപ്പം വ്ലോഗിങ്ങും മറ്റുമായി അരുണും പാർവതിയും സജീവമായിരുന്നു. കഴിഞ്ഞ വർഷമാണ് ഏവരെയും ഞെട്ടിച്ച് താൻ വിവാഹമോചിതയാകുന്നുവെന്ന് പാർവതി വെളിപ്പെടുത്തുന്നത്.പാര്വതിയുമായി വേര്പിരിഞ്ഞതിന് ശേഷം അരുണ് രാവണ്, സായി ലക്ഷ്മി എന്ന നടിയുമായി ലിവിങ് റിലേഷനിലാണ്.
