അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഒരുകാലത്ത് ബോക്സ് ഓഫീസ് ഭരിച്ചിരുന്ന താരമാണ് നടി ഷക്കീല. കൈനിറയെ സിനിമകളും ആരാധകരുമുള്ള നടിയായിരുന്നു അവർ. മുൻപ് സിനിമകളിൽ സജീവമായിരുന്ന താരം ഇപ്പോൾ തമിഴ് ഷോകളിൽ മാത്രമായി ഒതുങ്ങി. ഇപ്പോഴിതാ ഉംറയ്ക്ക് പോകുന്ന നടിയുടെ വീഡിയോയാണ് സോഷ്യൽ മീഡിയയിൽ ശ്രദ്ധ നേടുന്നത്.
അടുത്ത സുഹൃത്തായ സതീഷ് ക്രിസ്റ്റഫറാണ് വീഡിയോ പങ്കുവച്ചത്. ‘ഹാപ്പി ജേർണി മാ. നിങ്ങളുടെ സ്വപ്നങ്ങൾ യാഥാർത്ഥ്യമാകുന്നു. മിസ് യു മാ’, എന്നാണ് ഇയാൾ വീഡിയോ പങ്കുവെച്ച് കൊണ്ട് സോഷ്യൽ മീഡിയയിൽ കുറിച്ചിരുന്നത്. പർദ്ദയിട്ട് തലയിൽ തട്ടവുമിട്ട് മക്കയിലേക്ക് പോകുന്ന ഷക്കീലയുടെ വീഡിയോ ഇപ്പോൾ സോഷ്യൽ മീഡിയയിൽ വൈറാലാകുകയാണ്. സുഹൃത്തുക്കളെല്ലാവരും ചേർന്നാണ് ഷക്കീലയെ മക്കയിലേക്ക് യാത്രയാക്കിയത്.
അടുത്തിടെ നടി മുതസുമായി നടത്തിയ ഒരു അഭിമുഖത്തിൽ ആത്മീയതയെ കുറിച്ച് ഷക്കീല പറഞ്ഞ വാക്കുകൾ ശ്രദ്ധ നേടിയിരുന്നു. താൻ വലിയ തെറ്റ് ചെയ്തുവെന്നും അതിൽ നിന്നും തനിക്ക് പുറത്ത് വരാൻ ആഗ്രമുണ്ടെന്നും ആയിരുന്നു ഷക്കീല പറഞ്ഞിരുന്നത്. ഇപ്പോൾ സിനിമാ തിരക്കുകളിൽ നിന്ന് ഒഴിഞ്ഞു നിൽക്കുകയായാണ് താരം. അടുത്തിടെ യുട്യൂബ് ചാനലുകളിൽ അവതാരകയായി നടി പ്രത്യക്ഷപ്പെടാറുണ്ട്. അടുത്തിടെ കുക്ക് വിത്ത് കോമാളി എന്ന കുക്കിംഗ് ഷോയിൽ മത്സാരാർത്ഥിയായും അവരെത്തിയിരുന്നു.
