അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ആരാധകർ പ്രതീക്ഷയോടെ കാത്തിരിക്കുന്ന വിവാഹമാണ് നടി രശ്മിക മന്ദാനയുടേതും നടൻ വിജയ് ദേവരക്കൊണ്ടയുടേതും. ഫെബ്രുവരി 26-ന് ഉദയ്പൂരിൽ വെച്ച് തികച്ചും സ്വകാര്യമായ ചടങ്ങുകളോടെ ഇരുവരും വിവാഹിതരാകാൻ ഒരുങ്ങുകയാണ്. എന്നാൽ വിവാഹത്തിന്റെ ഒരുക്കങ്ങൾക്കിടയിൽ, രശ്മികയുടെ മുൻ കാമുകനും നടനുമായ രക്ഷിത് ഷെട്ടിയുടെ സുഹൃത്ത് പ്രമോദ് ഷെട്ടി നടത്തിയ ചില പരാമർശങ്ങൾ സോഷ്യൽ മീഡിയയിൽ വൈറലാവുമായാണ്.
rashmika was barely an adult marrying someone who was almost a decade older than her when she was just starting out in the industry, idk how people never found this problematic??
it has been YEARS and these people still can't move on,while she's becoming more and more successful https://t.co/HGP3jnSDD7— 🪽 (@heavenisabody) February 20, 2026
രശ്മികയുടെ കല്യാണക്കുറി കിട്ടിയിട്ടില്ലെന്നും കിട്ടിയാൽ പോകുമെന്നും പറഞ്ഞ പ്രമോദ്, രക്ഷിത് ഷെട്ടി പഴയതൊക്കെ ഓർത്ത് കുറ്റബോധവും കരച്ചിലുമായി ഇരിക്കാൻ കൊച്ചു കുട്ടിയൊന്നുമല്ലെന്നും പരിഹാസച്ചിരിയോടെ കൂട്ടിച്ചേർത്തു. പ്രമോദിന്റെ ഈ വിഡിയോ പുറത്തുവന്നതോടെ രശ്മികയുടെ ആരാധകർ കടുത്ത പ്രതിഷേധവുമായി രംഗത്തെത്തി.
വർഷങ്ങൾക്ക് മുൻപ് അവസാനിച്ച ഒരു ബന്ധത്തെ വീണ്ടും വലിച്ചിഴക്കുന്നതിനെതിരെ സോഷ്യൽ മീഡിയയിൽ രൂക്ഷമായ വിമർശനമാണ് ഉയരുന്നത്. 2018-ൽ പിരിഞ്ഞ ഒരു ബന്ധത്തെക്കുറിച്ച് ഇപ്പോഴും എന്തിനാണ് സംസാരിക്കുന്നതെന്ന് പലരും ചോദിക്കുന്നു. പ്രണയബന്ധം അവസാനിപ്പിച്ചിട്ട് ആരെങ്കിലും മുൻ കാമുകനെയും അയാളുടെ സുഹൃത്തുക്കളെയും സ്വന്തം വിവാഹത്തിന് വിളിക്കുമോ എന്നും ഇപ്പോഴും ഇത്തരം കാര്യങ്ങൾ പറഞ്ഞു നടക്കാൻ നാണമില്ലേ എന്നും ആരാധകർ സോഷ്യൽ മീഡിയയിൽ കുറിച്ചു. തരംകിട്ടുമ്പോഴെല്ലാം രശ്മികയെ അപമാനിക്കാൻ ശ്രമിക്കുന്നവർക്ക് വായടപ്പിക്കുന്ന മറുപടിയാണ് ആരാധകർ നൽകുന്നത്.
2016-ൽ ‘കിരിക് പാർട്ടി’യിലൂടെ സിനിമയിൽ എത്തിയ രശ്മികയും രക്ഷിത് ഷെട്ടിയും അടുത്ത സുഹൃത്തുക്കളാകുകയും അത് പ്രണയത്തിലെത്തുകയുമായിരുന്നു. ഇവര് തമ്മിലുള്ള വിവാഹനിശ്ചയം 2017-ലാണ് നടന്നത്. എന്നാൽ ഒത്തുപോകാൻ കഴിയാത്ത കാരണങ്ങളാൽ 2018-ൽ ഇരുവരും ഈ ബന്ധം വേണ്ടെന്ന് വെച്ചു. ഇതിനുശേഷം വലിയ രീതിയിലുള്ള സൈബർ ആക്രമണങ്ങൾ രശ്മികയ്ക്ക് നേരിടേണ്ടി വന്നിരുന്നു.എന്നാൽ ബ്രേക്കപ് ആയി എട്ട് വർഷങ്ങൾക്ക് ശേഷം ഒരുമിച്ച് ഒരു വേദിയിൽ എത്തിയ രക്ഷിത് ഷെട്ടിയും രശ്മിക മന്ദാനയും പിണക്കങ്ങളൊന്നുമില്ലാതെ പരസ്പരം സ്നേഹം പങ്കുവച്ചത് വാർത്തയായിരുന്നു. എല്ലാ പ്രതിസന്ധികളെയും അതിജീവിച്ച് ഇന്ന് ഇന്ത്യയിലെ തന്നെ മുൻനിര നായികയായി രശ്മിക വളർന്നു. ദീർഘനാളത്തെ പ്രണയത്തിനൊടുവിൽ വിജയ് ദേവരക്കൊണ്ടയുമായി പുതിയ ജീവിതത്തിലേക്ക് കടക്കുന്ന രശ്മികയ്ക്ക് ലോകമെമ്പാടുമുള്ള ആരാധകർ ഇപ്പോൾ ആശംസകൾ നേരുകയാണ്.
