അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പ്രമേഹം നിയന്ത്രിക്കാനും ശരീരഭാരം കുറയ്ക്കാനും ഉലുവ സഹായിക്കുന്നു. ദഹനം മെച്ചപ്പെടുത്തുന്നതിനും ഉലുവ ബെസ്റ്റാണ്. ഉലുവ എന്തിന് ഉപയോഗിക്കുന്നു എന്നതുപോലെ തന്നെ അത് എങ്ങനെ ഉപയോഗിക്കുന്നു എന്നതും വളരെ പ്രധാനമാണ്. ഉലുവ കുതിർത്തുപയോഗിക്കുന്നതാണ് ആരോഗ്യത്തിന് കൂടുതൽ നല്ലത്. ഉലുവ ഒരു രാത്രി മുഴുവൻ കുതിർത്തു വയ്ക്കുമ്പോൾ അത് മൃദുവാകുന്നതോടൊപ്പം വളരെ എളുപ്പത്തിൽ ദഹിപ്പിക്കാനും ശരീരത്തിനാവുന്നു.
ഉലുവ കുതിർക്കാതെ ഉപയോഗിച്ചാൽ അത് വളരെ കട്ടിയുള്ളതായതുകൊണ്ട് ഉദരത്തിനും അസ്വസ്ഥതയുണ്ടാക്കും. ഉലുവ തിളപ്പിച്ചാൽ ചില ഹീറ്റ് സെൻസിറ്റീവ് ആയ പോഷകങ്ങൾ നഷ്ടപ്പെടുകയും ചെയ്യും. ഉലുവ കുതിരുമ്പോൾ ജെൽ പോലുള്ള മ്യൂസിലേജ് എന്ന വസ്തു പുറന്തള്ളുന്നു. ഇത് ഉദരത്തിന്റെ സംരക്ഷണപാളിയായി പ്രവർത്തിക്കുന്നു. അസിഡിറ്റി, ആസിഡ് റിഫ്ലക്സ്, ദഹനക്കേട് ഇവ അകറ്റാൻ ഇത് സഹായിക്കുന്നു. വെറുംവയറ്റിൽ കഴിക്കുമ്പോഴാണ് ഈ ഗുണങ്ങൾ കൂടുതലായും ലഭിക്കുന്നത്.
എങ്ങനെ ഉപയോഗിക്കാം?
ഒരു ടീസ്പൂൺ ഉലുവ, ഒരു ഗ്ലാസ്സ് വെള്ളത്തിൽ ഒരു രാത്രി കുതിരാനിടുക, പിറ്റേന്ന് പ്രഭാതഭക്ഷണത്തിന് മുൻപ് ഈ ഉലുവയും കുതിർത്ത വെള്ളവും കഴിക്കുക.
കുതിർത്ത ഉലുവ കഴിക്കുന്നത് ശരീരഭാരം കുറയ്ക്കാൻ സഹായിക്കും. കുതിർത്ത ഉലുവയിൽ സോല്യുബിള് ഫൈബർ ധാരാളമുണ്ട്. ഇത് വയർ നിറഞ്ഞ തോന്നൽ ഉണ്ടാക്കുകയും അനാവശ്യമായി ലഘുഭക്ഷണം കഴിക്കുന്നത് കുറയ്ക്കുകയും ചെയ്യും. ഭക്ഷണത്തിനു മുൻപ് ഉലുവ കഴിക്കുന്നത് അന്നജത്തിന്റെ ദഹനവും ആഗിരണവും സാവധാനത്തിലാക്കും. ഇത്തരത്തിൽ ദഹനം വൈകുന്നതു രക്തത്തിലെ പഞ്ചസാരയുടെ അളവ് പെട്ടെന്ന് കൂടുന്നതിനെ തടയുന്നു. കൊഴുപ്പ് അടിഞ്ഞു കൂടാതിരിക്കാനും ഇത് സഹായിക്കുന്നു. ഉലുവ പതിവായി കഴിക്കുന്നതിലൂടെ ശരീരഭാരം നിയന്ത്രിച്ചു നിർത്താന് സാധിക്കും. ശരീരഭാരം കുറയ്ക്കാനുള്ള ഒരു എളുപ്പവഴിയല്ല ഉലുവ. ഉലുവ കഴിക്കുന്നതോടൊപ്പം തന്നെ സമീകൃതഭക്ഷണം കഴിക്കാനും പതിവായി വ്യായാമം ചെയ്യാനും ശ്രദ്ധിക്കണം. ഉലുവ കഴിക്കുന്നത് ശീലമാക്കാൻ ഉദ്ദേശിക്കുന്നവർ ഒരു ഡോക്ടറിനോടോ ഡയറ്റീഷ്യനോടോ നിർദേശം തേടേണ്ടതാണ്.
രക്തത്തിലെ പഞ്ചസാരയുടെ അളവ് നിയന്ത്രിക്കാൻ ഉലുവ സഹായിക്കും. ഉലുവ കാർബോഹൈഡ്രേറ്റിന്റെ വിഘടനം സാവധാനത്തിലാക്കുകയും ഇൻസുലിൻ സെൻസിറ്റിവിറ്റി മെച്ചപ്പെടുത്തുകയും ചെയ്യും. ഇത് ഭക്ഷണശേഷം രക്തത്തിലെ പഞ്ചസാരയുടെ അളവ് പെട്ടെന്ന് കൂടുന്നതിനെ തടയുന്നു. പ്രമേഹരോഗികൾക്ക് ഏറെ പ്രധാനപ്പെട്ട കാര്യമാണിത്. ഉലുവയിലെ സോല്യുബിൾ ഫൈബറും സംയുക്തങ്ങളും കുടലിലെ ഗ്ലൂക്കോസിന്റെ ആഗിരണം നിയന്ത്രിക്കുന്നു. ഭക്ഷണത്തിനു മുൻപ് ഉലുവ കഴിക്കുന്നതാണ് ഗുണകരം. ഉലുവയ്ക്ക് രക്തത്തിലെ പഞ്ചസാരയുടെ അളവ് കുറയ്ക്കാനുള്ള കഴിവുണ്ട്. അതുകൊണ്ട് ഇൻസുലിനോ പ്രമേഹമരുന്നുകളോ ഉപയോഗിക്കുന്നവർ വൈദ്യനിർദേശപ്രകാരം മാത്രമേ ഉലുവ കഴിക്കാൻ പാടുള്ളൂ. ഇല്ലെങ്കിൽ രക്തത്തിലെ പഞ്ചസാരയുടെ അളവ് അപകടകരമാം വിധം കുറയാനിടയുണ്ട്. ഉലുവ കുതിർത്തു കഴിച്ചാൽ ലഭിക്കുന്ന ആരോഗ്യ ഗുണങ്ങൾ ഇവയാണ്
ഈ കാര്യങ്ങൾ ശ്രദ്ധിക്കാം
ഗർഭപാത്രത്തിന്റെ സങ്കോചത്തിന് ഉലുവ കാരണമാകാം. ഇത് ഗർഭമലസലിനോ, മാസം തികയാതെയുള്ള പ്രസവത്തിനോ കാരണമാകാം, പ്രത്യേകിച്ച് ആദ്യത്തെയും രണ്ടാമത്തെയും ട്രൈമെസ്റ്ററുകളിൽ ഗർഭിണികൾ തീർച്ചയായും ഉലുവ ഉപയോഗിക്കുന്നത് ഒഴിവാക്കണം. ഡോക്ടർ നിർദേശിച്ചാൽ മാത്രമേ ഇത് കഴിക്കാവൂ. ഉലുവ, രക്തം കട്ടപിടിക്കുന്നത് സാവധാനത്തിലാക്കും. ഇത് ആസ്പിരിൻ, വാർഫറിൻ പോലുള്ള ബ്ലഡ് തിന്നേഴ്സ് ഉപയോഗിക്കുന്നവരിൽ ബ്ലീഡിങ്ങിനുള്ള സാധ്യത കൂട്ടും. ചർമത്തിന്റെയും തലമുടിയുടെയും ആരോഗ്യം ഉലുവ കുതിർത്തത് തലമുടിയുടെയും ചർമത്തിന്റെയും ആരോഗ്യം മെച്ചപ്പെടുത്തും. ഉലുവയിലടങ്ങിയ ആന്റിഓക്സിഡന്റുകളും ആന്റിഇൻഫ്ലമേറ്ററി സംയുക്തങ്ങളും ചർമത്തിന്റെ ആരോഗ്യം മെച്ചപ്പെടുത്തും. ഉലുവയിലെ പ്രോട്ടീനും അയണും മുടികൊഴിച്ചിൽ കുറയാൻ സഹായിക്കും.
