കോന്നിയിൽ പ്രായപൂർത്തിയാകാത്ത പെൺകുട്ടിയെ പീഡിപ്പിച്ച് ദൃശ്യങ്ങൾ പകർത്തി: രണ്ട് യുവാക്കൾ പിടിയിൽ

പത്തനംതിട്ട കോന്നിയിൽ പ്രായപൂർത്തിയാകാത്ത പെൺകുട്ടിയെ പീഡിപ്പിക്കുകയും ദൃശ്യങ്ങൾ പകർത്തി സുഹൃത്തിന് കൈമാറുകയും ചെയ്ത കേസിൽ രണ്ട് യുവാക്കൾ പിടിയിൽ. ത​ണ്ണി​ത്തോ​ട് മൂ​ഴി അ​ശ്വ​തി ഭ​വ​നം വീ​ട്ടി​ൽ അ​ന​ന്തു (26), ത​ണ്ണി​ത്തോ​ട് കൂ​ത്താ​ടി​മ​ൺ സ്വ​ദേ​ശി വ​ലി​യ​ത​റ​യി​ൽ വീ​ട്ടി​ൽ അ​ഭി​ജി​ത്ത് (28) എന്നിവരെയാണ് കോന്നി പോലീസ് അറസ്റ്റ് ചെയ്തത്.

അ​ഭി​ജി​ത്ത് പെൺകുട്ടിയെ പ്രണയം നടിച്ചു വീഴ്ത്തുകയായിരുന്നു. തുടർന്ന് പെൺകുട്ടിയെയും കൊണ്ട് പ​ത്ത​നം​തി​ട്ട​യി​ലെ ലോ​ഡ്ജി​ൽ എത്തിച്ചു പീഡിപ്പിക്കുകയും കുട്ടി അറിയാതെ ഇതിന്റെ ദൃശ്യങ്ങൾ മൊബൈലിൽ പകർത്തുകയുമായിരുന്നു. ശേഷം ഈ വീഡിയോ സുഹൃത്തായ അനന്തുവിനെ അയച്ചു നൽകി.

അനന്തു ഇത് പെൺകുട്ടിയുടെ വാ​ട്സാ​പ്പി​ൽ അയച്ചു കൊടുക്കുകയും തന്റെ കൂടെ വരാൻ ഭീഷണിപ്പെടുത്തുകയും ചെയ്തു. ശേഷം കു​ട്ടി​യെ പൂങ്കാവി​ലു​ള്ള വാ​ട​ക വീട്ടിൽ എത്തിച്ചു പീഡിപ്പിച്ചു ദൃശ്യങ്ങൾ പകർത്തുകയുമായിരുന്നു. പെൺകുട്ടിയുടെ പരാതിയിൽ കേസ് എടുത്ത പോലീസ് അനന്തുവിനെ കോ​ട്ട​യ​ത്തെ വാ​ട​ക​വീ​ട്ടി​ൽ​നി​ന്നും അ​ഭി​ജി​ത്തി​നെ എ​റ​ണാ​കു​ള​ത്തു​നി​ന്നും പി​ടി​കൂ​ടു​ക​യാ​യി​രു​ന്നു. പ്രതികളെ കോടതിയിൽ ഹാജരാക്കി റിമാൻഡ് ചെയ്തിരിക്കുകയാണ്.