അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഇസ്രയേല് പാര്ലമെന്റിനെ അഭിസംബോധന ചെയ്ത് പ്രധാനമന്ത്രി നരേന്ദ്ര മോദി. പാര്ലമെന്റില് സംസാരിക്കാനായതില് അഭിമാനമെന്ന് മോദി. ഭീകരതയോട് വീട്ടുവീഴ്ചയില്ലെന്നും പ്രധാനമന്ത്രി വ്യക്തമാക്കി. അഭിസംബോധനയില് പലസ്തീനെ കുറിച്ചും മോദി പരാമര്ശിച്ചു. മുംബൈ ഭീകരാക്രമണത്തെ കുറിച്ചും പ്രധാനമന്ത്രി പരാമര്ശിച്ചു. മുംബൈ ആക്രമണത്തെ കുറിച്ചും ഇസ്രായേലി പൗരന്മാര് ഉള്പ്പെടെ ആക്രമണത്തില് ജീവന് നഷ്ടപ്പെട്ട നിരപരാധികളെ കുറിച്ചും നാം ഓര്ക്കുന്നു. നിങ്ങളെപ്പോലെ തന്നെ തീവ്രവാദത്തോട് ഇരട്ടത്താപ്പില്ലാത്ത, സഹിഷ്ണുതയും വിട്ടുവീഴ്ചയയുമില്ലാത്ത നയമാണ് ഞങ്ങള്ക്കുള്ളത്. ഭീകരതയെ ചെറുക്കുന്നതിന് സുസ്ഥിരവും ഏകോപിതവുമായ ആഗോള നടപടി ആവശ്യമാണ്. കാരണം ഭീകരത എല്ലായിടത്തും സമാധാനത്തിന് ഭീഷണിയാണ്. അതുകൊണ്ടാണ് ശാശ്വത സമാധാനത്തിനും പ്രാദേശിക സ്ഥിരതയ്ക്കും സഹായിക്കുന്ന ചെയ്യുന്ന എല്ലാ ശ്രമങ്ങളെയും ഇന്ത്യ പിന്തുണയ്ക്കുന്നത് – അദ്ദേഹം പറഞ്ഞു.
ഗസയില് സമാധാനം സ്ഥാപിക്കാനുള്ള ശ്രമങ്ങള്ക്ക് ഇന്ത്യയുടെ പിന്തുണയും പ്രധാനമന്ത്രി പ്രഖ്യാപിച്ചു. ഗസ സമാധാന ശ്രമം ഒരു ഒരു വഴിയാണ് തുറക്കുന്നത്. പലസ്തീന് വിഷയം ഉള്പ്പടെ അഭിസംബോധന ചെയ്തുകൊണ്ട്, മേഖലയിലെ എല്ലാ ജനങ്ങള്ക്കും നീതിയുക്തവും ശാശ്വതവുമായ സമാധാനം ഉറപ്പാക്കുമെന്ന് ഞങ്ങള് വിശ്വസിക്കുന്നു.ഇസ്രയേലുമായുള്ള ഇന്ത്യയുടെ ബന്ധം രക്തത്തിലും ത്യാഗത്തിലും എഴുതപ്പെട്ടതാണെന്ന് പ്രധാനമന്ത്രി പറഞ്ഞു. ഒന്നാം ലോകമഹായുദ്ധ കാലത്ത്, 4,000-ത്തിലധികം ഇന്ത്യന് സൈനികര് ഈ മേഖലയില് തങ്ങളുടെ ജീവന് ബലിയര്പ്പിച്ചുവെന്നത് ചൂണ്ടിക്കാട്ടിക്കൊണ്ടായിരുന്നു പരാമര്ശം.
ഇന്ത്യയില് ജൂത സമൂഹം പീഡനമോ വിവേചനമോ ഭയക്കാതെ ജീവിക്കുന്നുവെന്നും അവര് തങ്ങളുടെ വിശ്വാസങ്ങള് കാത്തുസൂക്ഷിക്കുകയും സമൂഹത്തില് പൂര്ണ്ണമായും ഇടപെടുകയും ചെയ്യുന്നുവെന്ന് പ്രധാനമന്ത്രി ചൂണ്ടിക്കാട്ടി. മോദി സുഹൃത്ത് എന്നതിലുപരി സഹോദരെപോലെയാണെന്ന് ഇസ്രയേല് പ്രധാനമന്ത്രി ബെഞ്ചമിന് നെതന്യാഹു പറഞ്ഞു. 2023 ഒക്ടോബറില് ഉണ്ടായ ആക്രമണത്തില് ഇന്ത്യ ഇസ്രയേലിനെ പിന്തുണച്ചെന്നും നെതന്യാഹു വ്യക്തമാക്കി.ഇസ്രയേല് പാര്ലമെന്റിന്റെ പരമോന്നത ബഹുമതിയായ ‘സ്പീക്കര് ഓഫ് ദ നെസറ്റ് മെഡല്’ നല്കി പ്രധാനമന്ത്രി നരേന്ദ്ര മോദിയെ ആദരിച്ചു.
Story Highlights : India stands with Israel; Narendra Modi
