അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കണ്ണൂർ കാഞ്ഞങ്ങാട് കെഎസ്ആർടിസി ബസ് ഡ്രൈവറെ പ്രൈവറ്റ് ബസ് ഉടമ മർദിച്ചതായി പരാതി. മൂക്കൂട് സ്വദേശി പീറ്ററിനെയാണ് (55) ആക്രമിച്ചത്. സംഭവത്തിൽ കാഞ്ഞങ്ങാടി ശബരി ബസ് ഉടമ അഭിനാഷിനെതിരെ ഹൊസ്ദുർഗ് പോലീസ് കേസെടുത്തു.
ഇന്നലെ രാത്രി 7 40നാണ് സംഭവം നടക്കുന്നത്. കെഎസ്ആർടിസി ബസ് കൊന്നക്കാട്ടേക്ക് പോകാനായി കാഞ്ഞങ്ങാട് ബസ്റ്റാൻഡിൽ നിർത്തിയിട്ടിരിക്കുകയായിരുന്നു. ഈ സമയത്താണ് പ്രൈവറ്റ് ബസ് ഉടമ അഭിനാഷ് അവിടേക്ക് എത്തുന്നത്.
നാളെ മുതൽ തന്റെ ബസ് ഈ സമയത്ത് ഓടുന്നുണ്ടെന്ന് അതിനാൽ മറ്റൊരു ബസ്സും ഈ സമയത്ത് കാണരുതെന്നും പറഞ്ഞായിരുന്നു ആക്രമണം തുടങ്ങിയത്. കെഎസ്ആർടിസി ബസ് ഡ്രൈവറെ മൂക്കിൽ നിന്നും ചോര വാർന്ന നിലയിലാണ് കണ്ണൂർ ഗവൺമെന്റ് കോളേജ് ആശുപത്രിയിൽ പ്രവേശിപ്പിച്ചത്.
