അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ദളിത് യുവതിയെ പീഡിപ്പിച്ചെന്ന പരാതിയിൽ പ്രതിയായ പാലക്കാട് നഗരസഭ കൗൺസിലർ പ്രശോഭ് സി. വത്സൻ ഇപ്പോഴും ഒളിവിൽ തുടരുകയാണ്. ഇയാള് കേരളം വിട്ടിരിക്കാമെന്ന നിഗമനത്തിലാണ് പൊലീസ്. പ്രശോഭിനെ തേടി കോയമ്പത്തൂര്, പൊള്ളാച്ചി, ബംഗളൂരു എന്നിവിടങ്ങളില് അന്വേഷണം നടത്തുമെന്നും ഇയാളെ ഉടന് പിടികൂടുമെന്നും പൊലീസ് അറിയിച്ചു.
കഴിഞ്ഞ വെള്ളിയാഴ്ചയാണ് യുവതി ഇയാൾക്കെതിരെ ഗുരുതരമായ ആരോപണങ്ങളുമായി പൊലീസിനെ സമീപിച്ചത്. കേസ് രജിസ്റ്റർ ചെയ്തതിന് പിന്നാലെ പ്രശോഭിനെ കോൺഗ്രസ് പാർട്ടിയിൽ നിന്ന് പുറത്താക്കിയിരുന്നു.
പാലക്കാട്ടെ നിയമസഭാ ഉപതിരഞ്ഞെടുപ്പ് പ്രചാരണം കൊഴുക്കുന്നതിനിടെ ഈ വിഷയം വലിയ രാഷ്ട്രീയ ആയുധമായി മാറിയിരിക്കുകയാണ്.
കഴിഞ്ഞ ദിവസം പാലക്കാട് നടന്ന തിരഞ്ഞെടുപ്പ് റാലിയിൽ പ്രധാനമന്ത്രി നരേന്ദ്ര മോദി ഈ പീഡനക്കേസ് പരാമർശിക്കുകയും കോൺഗ്രസിനെതിരെ രൂക്ഷമായ ഭാഷയിൽ വിമർശനം ഉന്നയിക്കുകയും ചെയ്തിരുന്നു.
പ്രധാനമന്ത്രിയുടെ ഇടപെടലോടെ വിഷയം ദേശീയ തലത്തിൽ തന്നെ ചർച്ചയായിട്ടുണ്ട്. പ്രതിയെ എത്രയും വേഗം പിടികൂടാനുള്ള നീക്കത്തിലാണ് പൊലീസ് സംഘം.
