അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.നിയമസഭാ തിരഞ്ഞെടുപ്പിൽ യുഡിഎഫ് നൂറിലധികം സീറ്റുകൾ നേടി അധികാരത്തിൽ തിരിച്ചെത്തുമെന്ന് പ്രതിപക്ഷ നേതാവ് വിഡി സതീശൻ. സംസ്ഥാനത്തുടനീളം ദൃശ്യമാകുന്ന വോട്ടർമാരുടെ നീണ്ട നിര ഭരണവിരുദ്ധ തരംഗത്തിന്റെ സൂചനയാണെന്നും പ്രബുദ്ധരായ കേരളീയർ കൃത്യമായ രാഷ്ട്രീയ ബോധ്യത്തോടെയാണ് വിധിയെഴുതുന്നതെന്നും അദ്ദേഹം പറഞ്ഞു. പലർക്കും പോസ്റ്റൽ വോട്ടുകൾ ലഭ്യമാകാത്തതിൽ തിരഞ്ഞെടുപ്പ് കമ്മീഷന് വീഴ്ച പറ്റിയതായും അദ്ദേഹം ആരോപിച്ചു. പറവൂർ കേസരി ഗവ. കോളജിൽ കുടുംബസമേതം വോട്ട് രേഖപ്പെടുത്തിയ ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
