അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.‘ഞാന് വെറും ഒരു സാധാരണക്കാരനാണ്. എന്റെ ഭാര്യയും മക്കളും അടങ്ങുന്ന ഒരു കൊച്ചു ലോകം. ആസ്വകാര്യതയിലേക്ക് ക്ഷണിക്കപ്പെടാത്ത ഒരതിഥി വന്നു. ഞങ്ങളുടെ കുടുംബം ശിഥിലമാക്കാന് കെല്പ്പുള്ള അതിഥി. ഇനി ഒരിക്കലും തിരിച്ചു വരില്ലാ എന്ന ഉറപ്പോടെ എന്നെന്നേക്കുമായി ആ അതിഥിയെ മടക്കി അയച്ചു ….. ”
”സത്യത്തില് നമ്മള് അയാളെയല്ല നിരീക്ഷിച്ചു കൊണ്ടിരുന്നത്…. അയാള് നമ്മളെയാണ്….’ ഈ വാക്കുകള് മലയാളികളുടെ മനസ്സില് നീറ്റലായി ഇന്നുംനിലനില്ക്കുന്നു. ആശിര്വ്വാദ് സിനിമാസിന്റെ ബാനറില് ആന്റണി പെരുമ്പാവൂര് നിര്മ്മിച്ച് ജീത്തു ജോസഫ് രചനയും സംവിധാനവും നിര്വഹിച്ച ദൃശ്യം. ദൃശ്യം 2 എന്നീ ചിത്രങ്ങളിലെ സംഭാഷണങ്ങളാണ്. മലയാളി പ്രേഷകര് നെഞ്ചിലേറ്റിയ ജോര്ജ് കുട്ടിയുടേയും ജോര്ജ് കുട്ടിയുടെ കേസന്വേഷിക്കുന്ന ഉദ്യോഗസ്ഥന്റേയും വാക്കുകളാണിത്. ഇനി നമുക്ക് ഇതുവരെ കേള്ക്കാത്ത ചില കാര്യങ്ങള് കൂടി കേള്ക്കാം ….
‘സ്വന്തമെന്നു പറയാന് ആരുമില്ലായിരുന്നു….
കഷ്ടപ്പെട്ട് അദ്ധ്വാനിച്ചു
ഞാന് സ്വന്തമാക്കിയതാണ് എന്റെ കുടുംബം…
അതു തകരുമെന്ന ഘട്ടം വന്നപ്പോള്
മുമ്പും പിമ്പും ചിന്തിക്കാതെ പ്രവര്ത്തിച്ചു പോയി….
അതിനിടയില് ആരൊക്കെ വേദനിക്കുന്നതെന്ന് ഞാന് മനസ്സിലാക്കിയില്ല …..
: എനിക്കു പേടിയാ സാറെ..
. ഇതുപോലെ ഇനി ആരൊക്കെയുണ്ടന്ന് എനിക്കറിയില്ല…..’
പ്രദര്ശന സഞ്ജമായി വരുന്ന ദൃശ്യം -3 യിലെ ജോര്ജ്യ കുട്ടിയുടെ വാക്കുകളാണിത്.
ഒരുപക്ഷെ കേരളം കണ്ണീരോടെയും ഉത്ക്കണ്ഠയോടെയും കേട്ടിരിക്കാന് സാധ്യതയുള്ള നെഞ്ചു തുളച്ചുകയറുന്ന വാക്കുകള് ….
ദൃശ്യം.3 യുടെ പുറത്തുവിട്ട ടീസറിലേതാണ് വാക്കുകള് ….
മോഹന്ലാലിന്റെ ജന്മദിനമായ മെയ് ഇരുപത്തിയൊന്നിന് ലോകമെമ്പാടും പ്രദര്ശനത്തിനെത്തുകയാണ് ദൃശ്യം 3 .
അതിന്റെ മുന്നോടിയായുള്ള പ്രൊമോഷന്റെ ഭാഗമായി പുറത്തുവിട്ട ഈ ടീസര് സമൂഹ മാധ്യമങ്ങളില് വലിയ തരംഗമാണ് സൃഷ്ടിച്ചിരിക്കുന്നത്
മലയാള സിനിമയിലെ ആദ്യ ഫാമിലി ത്രില്ലര് സിനിമയായി വിശേഷിപ്പിക്കാവുന്ന ദൃശ്യം സിനിമക്കു ലഭിച്ച സ്വീകാര്യത പിന്നീട് ദൃശ്യം.2 വിലും കണ്ടു.
ഇപ്പോള് മൂന്നാം ഭാഗത്തിനായി വീര്പ്പടക്കി കാത്തിരിക്കുകയാണ് ലോകമെമ്പാടുമുള്ള മലയാളികള്.
അവരുടെ പ്രതീക്ഷകള്ക്ക് മുന്നില് ഇക്കുറി സംവിധായകന് ജീത്തു ജോസഫ് എന്തു മാജിക്കാണു കാണിക്കുന്നതെന്ന്
കാത്തിരിക്കുകയാണ് പ്രേഷകസമൂഹം.
വളരെ യാഥാര്ത്ഥ്യത്തോടെ യുള്ള സമീപനമാണ് ദൃശ്യം – സിനിമകളെ പ്രേഷകര് ആകര്ഷിച്ചത് . ഇക്കുറിയും അപ്രതീഷക്കൊപ്പം തന്നെ ജോര്ജ് കുട്ടിയും കുടുംബവും എത്തുമെന്നുറപ്പിക്കാം
മോഹന്ലാല് .മീന, അന്സിബാഹസ്സന്, എസ്തര്. എന്നിവര്ക്കു പുറമേ മലയാളത്തിലെ പ്രമുഖരായ അഭിനേതാക്കളുടെ ഒരു നിര തന്നെ ഇദ ചിത്രത്തിലുണ്ട്.
മെയ് ഇരുപത്തിയൊന്നിന് ആശിര്വ്വാദ് സിനിമാസ് ഈ ചിത്രം പ്രദര്ശനത്തിനെത്തിക്കുന്നു
വാഴൂര് ജോസ്
